ടോക്കിയോ: ഒളിംപിക്‌സിൽ പുരുഷ ടീമിന് പുറകേ വനിതാ ടീമും ക്വാർട്ടറിൽ കടന്നു. ആദ്യ മത്സരങ്ങളിലെ തോൽവികൾക്ക് ശേഷം മുന്നേറിയ വനിതാ നിര ഗ്രൂപ്പിൽ അയർലന്റ് തോറ്റതോടെയാണ് ക്വാർട്ടറിലെത്തിയത്. ബ്രിട്ടനോട് എതിരില്ലാത്ത രണ്ടു ഗോളുകൾക്കാണ് അയർലന്റ് പരാജയപ്പെട്ടത്. പൂൾ എ യിൽ നാലാം സ്ഥാനക്കാരായിട്ടാണ് ഇന്ത്യൻ വനിതകളുടെ ക്വാർട്ടർ പ്രവേശനം.
ദക്ഷിണാഫ്രിക്കയെ മൂന്നിനെതിരെ നാലു ഗോളുകൾക്ക് തോൽപ്പിച്ചാണ് ഇന്ത്യ ക്വാർട്ടർ സാദ്ധ്യത വർദ്ധിപ്പിച്ചത്. എന്നാൽ ബ്രിട്ടൻ അയർലന്റ് മത്സരത്തിലെ ഫലം നിർണ്ണായക മായിരുന്നു. ബ്രിട്ടന്റെ ജയം ഇന്ത്യക്ക് ഭാഗ്യം കൊണ്ടുവന്നിരിക്കുകയാണ്. അഞ്ചു മത്സര ങ്ങളിൽ നിന്നും രണ്ട് ജയങ്ങളുമായി ആറ് പോയിന്റുകളാണ് ഇന്ത്യ നേടിയത്. ഇന്ത്യക്ക് പുറമേ നെതർലൻഡ്‌സ്, ജർമ്മനി, ബ്രിട്ടൻ എന്നീ ടീമുകളും ഗ്രൂപ്പിൽ നിന്ന് ക്വാർട്ടറിൽ കടന്നു. ക്വാർട്ടറിൽ ഇന്ത്യയെ ഗ്രൂപ്പ് ഘട്ടത്തിൽ തകർത്ത ഓസ്‌ട്രേലിയയോ സ്‌പെയിനോ ആയി രിക്കും എതിരാളികൾ.
