മുംബൈ: മഹാരാഷ്ട്രയില് ഡെല്റ്റ പ്ലസ് കൊറോണ കേസുകള് കൂടുന്നു. ഡെല്റ്റ പ്ലസ് വ്യാപനം 21 പേരില് നിന്നു 45 വരെയായി വര്ദ്ധിച്ചതായി സംസ്ഥാന ആരോഗ്യ മന്ത്രി രാജേഷ് ടോപ്പെ അറിയിച്ചു. ഇതില് 27 പുരുഷന്മാരും 18 സ്ത്രികളുമാണ്. സംസ്ഥാന ആരോഗ്യ മന്ത്രാലയതിന്റെ റിപ്പോര്ട്ട് പ്രകാരം ജല്ഗണ് ജില്ലയില് 13, രത്നഗിരിയില് 11, മുംബൈയില് 6, താനെ 5, പൂനെ 3 എന്നിങ്ങനെയാണ് ഡെല്റ്റ പ്ലസ് കേസുകള്.
ഡെല്റ്റ പ്ലസ് വ്യാപനം വലിയ ആശങ്കയാണ് ഉയര്ത്തുന്നത്. കൂടുതല് ആളുകളില് രോഗ സാധ്യതയുണ്ടോ എന്നും പരിശോധിച്ച് വരികയാണെന്നും മന്ത്രി അറിയിച്ചു. കൊറോണ വ്യാപനത്തിന്റെ വര്ധനവ് ഒന്നര മാസത്തിനിടയില് പ്രതിദിന 6,000തില് നിന്നും 8,000 ആയി വര്ധിച്ചതും ആശങ്ക ഉയര്ത്തുന്നുണ്ട്. കൂടാതെ, മൂന്നാം തരംഗ മുന്നറിയിപ്പ് ലഭിച്ച സാഹചര്യത്തില് ആരോഗ്യവകുപ്പ് അതീവ ജാഗ്രതയിലാണ്. മൂന്നാം തരംഗത്തെ നേരിടാനുള്ള മുന്നൊരുക്കങ്ങളുടെ ഭാഗമായി കോവിഡ് വാക്സിന്, രോഗികള്ക്കുള്ള ബെഡ് എന്നീ സൗകര്യങ്ങള് വിപുലീകരിക്കാന് മുഖ്യമന്ത്രി ഉദ്ധവ് താക്കറെ നിര്ദേശം നല്കി.
Comments