മുംബൈ: രണ്ട് ഡോസ് വാക്സിനുകള് പൂര്ത്തികരിച്ചവര്ക്ക് മാത്രം ലോക്കല് ട്രെയിന് യാത്രാനുമതി നല്കി ബ്രിഹന് മുംബൈ മുന്സിപ്പല് കമ്മീഷന്. ബിഎംസി
മുനിസിപ്പല് കമ്മീഷണര് ഇക്ബാല് സിംങ് ചഹാലാണ് നിര്ദ്ദേശം നല്കിയത്. 15 മുതല് ലോക്കല് ട്രെയിന് സര്വ്വിസുകള് പുനരാരംഭിക്കുമെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ ഇന്നലെ പ്രഖ്യാപിച്ചിരുന്നു.
30 ലക്ഷം പേര് വാക്സിനേഷന് പൂര്ത്തികരിച്ചാല് മാത്രമേ ലോക്കല് ട്രെയിന് യാത്ര അനുമതിയുളളു. ലോക്കല് ട്രെയിനുകളുടെ യാത്ര ബിഎംസി വഴി മാത്രമായിരിക്കില്ലെന്നും മുംബൈ മെട്രോപൊളിറ്റിക്കല് മേഖല വഴിയായിരിക്കുമെന്നും അദ്ദേഹം അറിയിച്ചു. ഈ മേഖലയില് 12 ലക്ഷം പേര് പൂര്ണ്ണമായും വാക്സിന് സ്വീകരിച്ചിട്ടുണ്ട്.
മുംബൈയില് 19 ലക്ഷം ആളുകളാണ് വാക്സിന് രണ്ടു ഡോസും സ്വീകരിച്ചിട്ടുളളത്. ഇവര്ക്ക് ആപ്പിലൂടെ സ്വയം രജിസ്റ്റര് ചെയ്ത് ട്രെയിനില് യാത്ര ചെയ്യാം. മുംബൈയില് ജനങ്ങള് പൂര്ണ്ണമായും രണ്ട് ഡോസ് വാക്സിന് സ്വീകരിക്കണമെന്നും കമ്മീഷണര് അഭ്യര്ത്ഥിച്ചു. മാളുകളും തുറക്കുന്ന കാര്യങ്ങള് ആലോചിക്കുന്നുണ്ടെന്നും വാക്സിന് സര്ട്ടിഫിക്കറ്റുകള് കൊറോണ അവസാനം വരെ നിര്ബന്ധമാണെന്നും കമ്മീഷണര് വ്യക്തമാക്കി. നവംബര് അവസാനത്തോടെ പൂര്ണ്ണമായും എല്ലാവരിലും വാക്സിന് എത്തിക്കുമെന്നും അദ്ദേഹം അറിയിച്ചു.
