75 ത് സ്വാതന്ത്ര്യദിനം മസ്കറ്റ് ഇൻഡ്യൻ എംബസ്സി സമുചിതമായി ആഘോഷിച്ചു

ദേശീയയതയും, രാഷ്‌ട്രസ്നേഹവും നിറഞ്ഞ അന്തരീക്ഷത്തിൽ ആവേശ്വോജ്ജലമായി മസ്കറ്റ് ഇൻഡ്യൻ എംബസ്സിയിൽ ഭാരതത്തിന്റെ 75 ത് സ്വാതന്ത്ര്യദിനം ആഘോഷിച്ചു.ഭാരതം സ്വാതന്ത്ര്യത്തിന്റെ ഈ നിർണ്ണായക മുഹൂർത്തത്തെ “അമ്രൃതോൽസവം” എന്ന പേരിൽ മാർച്ച് 2021 മുതൽ 15 ആഗസ്റ്റ് 2023 വരെ രണ്ടു വർഷം നീണ്ടുനിൽക്കുന്ന പരിപാടികളോടെയാണ് ആഘോഷിക്കുന്നത്. മസ്കറ്റ് ഇൻഡ്യൻ എമബസ്സിയിൽ രാവിലെ അംബസഡർ HE മനു മഹാവർ ദേശീയഗാനത്തിന്റെ അകമ്പടിയോടെ പതാക ഉയർത്തി പരിപാടികൾക്ക് തുടക്കം കുറിച്ചു. കോവിഡ് നിയന്ത്രണങ്ങൾമൂലം ഉയർന്ന എംബസ്സി ഉദ്യോസസ്ഥരും ജീവനക്കാരും മാത്രമാണ് ആഘോഷങ്ങളിൽ സംബന്ധിച്ചത്. ഒമാനിലെ ഇൻഡ്യൻ പൊതുസമൂഹം ഓൺലൈനിൽ ആണ് സ്വാതന്ത്ര്യദിന പരിപാടികൾ വീക്ഷിച്ചത്. തുടർന്ന് രാഷ്‌ട്രപതിയുടെ സ്വാതന്ത്ര്യദിന സന്ദേശം പ്രദർശിപ്പിച്ചു. പൊതുസമൂഹത്തോടായി സംസാരിക്കവേ ഭാരതത്തിലെ കോവിഡ് പ്രവർത്തനങ്ങൾക്കായി പ്രവാസി സമൂഹം നൽകുന്ന സഹായങ്ങൾക്ക് നന്ദി അറിയിച്ചു.
ഇൻഡ്യൻ സോഷ്യൽ ക്ലബ്ബ് സോഹാർ അവതരിപ്പിച്ച ദേശഭക്തി ഗാനവും, ഇൻഡ്യൻ സ്കൂൾ മസ്കറ്റ് അവതരിപ്പിച്ച നൃത്തവും പരിപാടികൾക്ക് മാറ്റുകൂട്ടി. ഇൻഡ്യൻ വിദേശകാര്യവകുപ്പ് മന്ത്രി എസ് ജയശങ്കറിന്റെ സന്ദേശവും പ്രദർശിപ്പിച്ചു. എംബസ്സി സംഘടിപ്പിച്ച ദേശഭക്തിഗാന രചനയും, വീഡിയോ ബ്ലോഗ് നിർമ്മണവും മൽസരത്തിലും, ഭാരത സാംസ്കാരികവകുപ്പ് സംഘടിപ്പിച്ച “രാഷ്‌ട്രഗീത്” പരിപാടിയിലും ഒമാനിലെ പ്രവാസി സമൂഹം പങ്കെടുത്തതായും അദ്ദേഹം അറിയിച്ചു.
എംബസ്സി വിവിധ സാമൂഹിക സാംസ്കാരിക സംഘടനകളുമായി ചേർന്ന് 2021 മാർച്ച് മാസം മുതൽ ഒമാനിൽ അമ്രൃതോൽസവത്തിന്റെ ഭാഗമായി ക്വിസ് മൽസരങ്ങൾ, കലാസാംസ്കാരിക പരിപാടികൾ, ചിത്ര പ്രദർശനങ്ങൾ, ചർച്ചകൾ എന്നിവ സംഘടിപ്പിച്ചിരുന്നു. ഇൻഡ്യൻ സോഷ്യൽക്ലബ്ബ് മലയാള വിഭാഗം, ഇൻഡ്യ @75 എന്ന പേരിൽ ക്വിസ് മൽസരം സംഘടിപ്പിച്ചിരുന്നു. ഒമാനിലെ ഇൻഡ്യൻ സ്കൂൾ ഡയറക്ടർ ബോർഡുമായി ചേർന്ന് ആഗസ്റ്റ് 12 നു ഒമാനിലെ എല്ലാ ഇൻഡ്യൻ സ്കൂളുകളിലും “എന്റെ ഭാരതം, എന്റെ അഭിമാനം” എന്ന പേരിൽ പരിപാടികൾ സംഘടിപ്പിക്കുകയും ചിത്ര രചന, ക്വിസ്, ലോഗോ നിർമ്മാണം എന്നീ മൽസരങ്ങൾ നടത്തുകയും ചെയ്തു.
ഇൻഡ്യൻ സോഷ്യൽക്ലബ്ബ് ഒമാൻ എംബസ്സിയുമായി ചേർന്ന് ആഗസ്റ്റ് 16 വൈകീട് അമ്രൃതോൽസവത്തിന്റെ ഭാഗമായി പരിപാടികൾ നടത്തും. ഒമാൻ വിദേശകാര്യവകുപ്പ്, ഉപ സെക്രട്ടറി H.E ഷേക്ക് ഖലീഫ ബിൻ അലി ബിൻ ഈസ അൽ ഹാർത്തി മുഖ്യാഥിതിയായി പങ്കെടുക്കും. ജനുവരി 2022 ൽ “അമ്രൃതോൽസവം” ഭാഗമായി ഇൻഡ്യൻ പൊതുസമൂഹവുമായി ചേർന്ന് ഒരാഴ്ച നീളുന്ന വിപുലമായ ആഘോഷങ്ങൾ സംഘടിപ്പിക്കുമെന്നും എംബസ്സി അറിയിച്ചു.