ന്യുഡൽഹി: രക്ഷാബന്ധൻ പ്രമാണിച്ച് വനിത യാത്രക്കാർക്ക് ഓഫറുകളുമായി എത്തിയിരിക്കുകയാണ് ഇന്ത്യൻ റെയിൽവേ.
ലക്നൗ-ഡൽഹി, അഹമ്മദാബാദ്-മുംബൈ റൂട്ടിൽ ഓടുന്ന തേജസ് എക്സ്പ്രസ് ട്രെയിനുകളിൽ യാത്ര ചെയ്യുന്ന വനിതാ യാത്രക്കാർക്കാണ് ഐആർസിടിസി ക്യാഷ്ബാക്ക് വാഗ്ദാനം ചെയ്യുന്നത്. ഓഫർ ആഗസ്റ്റ് 15 ന് ആരംഭിച്ച് ആഗസ്റ്റ് 24 വരെയാണ് തുടരുന്നത്. ക്യാഷ്ബാക്ക് തുക ടിക്കറ്റുകൾ ബുക്ക് ചെയ്ത അതേ അക്കൗണ്ടിൽ ക്രെഡിറ്റ് ചെയ്യും. യാത്രാ കാലയളവിൽ ഇതിനകം ടിക്കറ്റ് ബുക്ക് ചെയ്തിട്ടുള്ള വനിതാ യാത്രക്കാർക്ക് ഇപ്പോഴും ഓഫർ പ്രയോജനപ്പെടുത്താം.
ന്യൂഡൽഹി-ലക്നൗ, മുംബൈ-അഹമ്മദാബാദ് റൂട്ടുകളിൽ ഓടുന്ന രണ്ട് തേജസ് എക്സ്പ്രസ് ട്രെയിനുകളും ഏകദേശം 10 മാസങ്ങൾക്ക് ശേഷമാണ് സർവീസ് പുനരാരംഭിക്കുന്നത്. യാത്രക്കാർക്കായി കൊറോണ സംരക്ഷണ കിറ്റും നൽകുന്നുണ്ട് . അതിൽ ഒരു കുപ്പി ഹാൻഡ് സാനിറ്റൈസർ, ഒരു മാസ്ക്, ഒരു ജോടി ഗ്ലൗസ് എന്നിവയാണ് അടങ്ങിയിരിക്കുന്നത്. കോച്ചിൽ പ്രവേശിക്കുന്നതിന് മുമ്പ് യാത്രക്കാർക്ക് തെർമൽ സ്ക്രീനിംഗ് നിർബന്ധമാക്കണമെന്നും റെയിൽവേ അറിയിച്ചിട്ടുണ്ട്.
Comments