മുംബൈ: എംജി മോട്ടോർ ഇന്ത്യയിൽ പുതിയ മിഡ്-സൈസ് എസ്യുവി സെഗ്മെന്റ് അവതരിപ്പിക്കാൻ ഒരുങ്ങുന്നു. എഐ അസിസ്റ്റന്റും ലെവൽ ടൂ ഓട്ടോണമസ് ഡ്രൈവിംഗ് ഫംഗ്ഷനുകളും ഈ വാഹനത്തിൽ ഉണ്ടായിരിക്കുമെന്ന് എംജി അറിയിച്ചിരുന്നു. ആസ്റ്റർ എന്നാണ് നിലവിൽ വാഹനത്തിനു നൽകിയ ഔദ്യോഗിക നാമം.
ക്യാബിനായി ഡ്യുവൽ-ടോൺ തീം എംജി ആസ്റ്ററിനുണ്ടാവും. ഡാഷ്ബോർഡിലും സീറ്റുകളിലും ഡോർ പാഡുകളിലും കറുപ്പും ബ്രൗൺ ഷേഡുകളും ചേർന്ന് ഇന്റീരിയറിന് പ്രീമിയം ലുക്ക് നൽകുന്നു. ആപ്പിൾ കാർപ്ലേ, ആൻഡ്രോയ്ഡ് ഓട്ടോ എന്നിവയോടുകൂടിയ വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റമാണ് സെന്റർ സ്റ്റേജ് എടുത്തിരിക്കുന്നത്.
ഇതിനുപുറമെ, ഓൾ ഡിജിറ്റൽ ഇൻസ്ട്രുമെന്റ് ക്ലസ്റ്റർ, പുഷ് സ്റ്റാർട്ട്/സ്റ്റോപ്പ് ബട്ടൺ, എന്നിവയും ആസ്റ്ററിൽ ലോഡ് ചെയ്യും. ലെയ്ൻ കീപ്പ് അസിസ്റ്റ്, സ്പീഡ് ലിമിറ്റ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ഇന്റലിജന്റ് ഹെഡ്ലാമ്പ് കൺട്രോൾ, ബ്ലൈൻഡ്-സ്പോട്ട് ഡിറ്റക്ഷൻ എന്നിവയും ഇതിൽ സജ്ജീകരിച്ചിരിക്കുന്നു.
ആസ്റ്ററിന്റെ പവർട്രെയിൻ വിശദാംശങ്ങൾ എംജി മോട്ടോർ ഇന്ത്യ വെളിപ്പെടുത്തിയിട്ടില്ല.
