കൊണ്ടോട്ടി: മലപ്പുറം ജില്ലയിൽ വാക്‌സിനേഷൻ ക്യാമ്പിനിടെ ആരോഗ്യപ്രവർത്തകർത്തകരെ ആക്രമിച്ചതായി പരാതി.മലപ്പുറം കൊണ്ടോട്ടിയിലെ ചിറയിൽ പ്രാഥമിക കേന്ദ്രത്തിലാണ് അക്രമം നടന്നത്.കൊറോണ പ്രതിരോധ കുത്തിവെയ്പ്പ് ക്യാമ്പിനിടെയാണ് ആക്രമം നടന്നത്.
വാക്‌സിനെടുക്കാൻ ക്യാമ്പിൽ വന്നയാളാണ് ആക്രമണം നടത്തിയത്. ക്യാമ്പിലെ വനിതാ ജീവനക്കാരി ഉൾപ്പടെയുള്ള മൂന്ന് പേരെ പരിക്കുകളോടെ കൊണ്ടോട്ടി താലൂക്ക് ആശുപത്രിയിൽ പ്രവേശിപ്പിച്ചു.കൊറോണ പ്രതിരോധകുത്തിവെയ്പ്പ് എടുക്കാൻ വന്ന ആൾ ആരോഗ്യപ്രവർത്തകരെ മർദ്ദിക്കുകയും അസഭ്യം പറയുകയും ചെയ്തുവെന്ന് പരാതിയിൽ പറയുന്നു.
സാങ്കേതിക തകരാർ മൂലം ക്യാമ്പിൽ വാക്‌സിൻ നൽകുന്നതിൽ തടസ്സം നേരിട്ടിരുന്നു. എപ്പോൾ വാക്‌സിൻ നൽകുമെന്ന് അന്വേഷിച്ചയാളോട് ഉടൻ പരിഹരിക്കുമെന്ന് ആരോഗ്യപ്രവർത്തകർ പറഞ്ഞു. എന്നാൽ മെഡിക്കൽ ഓഫീസറെ കാണണമെന്ന് പറഞ്ഞ് ഇയാൾ ബഹളം വെച്ചു. ഇത് തടയാൻ ശ്രമിച്ച ആരോഗ്യപ്രവർത്തകർക്ക് നേരെയാണ് ആക്രമണം നടത്തിയത്.സംഭവത്തിൽ കരിപ്പൂർ പോലീസ് കേസെടുത്ത് അന്വേഷണം ആരംഭിച്ചു.
