കോഴിക്കോട് : ബിഗ് ബോസ് താരവും ടെലിവിഷൻ അവതാരകയുമായ എലീന പടിക്കൽ വിവാഹിതയായി. കോഴിക്കോട് സ്വദേശിയും എൻജിനീയറുമായ രോഹിത് പി നായർ ക്ഷേത്ര നടയിൽവെച്ചാണ് താരത്തിന് താലിചാർത്തിയത്. കൊവിഡ് മാനദണ്ഡങ്ങൾ പാലിച്ചു നടത്തിയ വിവാഹത്തിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
ഇരുണ്ട മെറൂൺ നിറത്തിലുള്ള കാഞ്ചീപുരം സാരിയാണ് എലീന ധരിച്ചത്. കസവ് മുണ്ടും ജുബ്ബയുമായിരുന്നു രോഹിത്തിന്റെ വേഷം. നിരവധി പേരാണ് നവവധൂവരന്മാർക്ക് ആശംസയുമായി എത്തിയത്.
ആറ് വർഷം നീണ്ട പ്രണയത്തിനൊടുവിലാണ് എലീന വിവാഹത്തിലേക്ക് കടക്കുന്നത്. എലീനയുടെ 15-ാം വയസിൽ ആരംഭിച്ച പ്രണയമാണ് വിവാഹത്തിലേക്ക് എത്തുന്നത്.തനിക്കൊരു പ്രണയമുള്ള കാര്യം ടെലിവിഷൻ റിയാലിറ്റി ഷോയായ ബിഗ് ബോസ് വേദിയിൽ വെച്ച് എലീന ആദ്യമായി വെളിപ്പെടുത്തിയത്.
അവിടുത്തെ സുഹൃത്തുക്കളോടായിരുന്നു എലീനയുടെ തുറന്നുപറച്ചിൽ. വരൻ മറ്റൊരു മതവിശ്വാസത്തിൽ നിന്നും വരുന്ന ആളാണെന്നും മാതാപിതാക്കൾ സമ്മതിച്ചാൽ മാത്രമേ തങ്ങൾ വിവാഹിതരാവൂ എന്നും എലീന അന്ന് പറഞ്ഞിരുന്നു. എന്നാൽ, ആദ്യം എതിർപ്പ് പ്രകടിപ്പിച്ച എലീനയുടെ വീട്ടുകാർ പിന്നീട് വിവാഹത്തിനുള്ള സമ്മതം അറിയിക്കുകയായിരുന്നു.
Comments