തിരുവനന്തപുരം: സംസ്ഥാനത്തെ ഹയർസെക്കൻഡറി, വൊക്കേഷണൽ ഹയർ സെക്കൻഡറി പ്ലസ് വൺ പരീക്ഷ തിയ്യതികളിൽ മാറ്റം.സെപ്തംബർ 6 മുതൽ 27 നരെയാകും പുതിയ ടൈംടേബിൾ പ്രകാരം പരീക്ഷകൾ നടത്തുക. പഴയ ടൈംടേബിൾ പ്രകാരം സെപ്തംബർ 6 മുതൽ 16 വരെയാണ് പരീക്ഷ നടത്തേണ്ടിയിരുന്നത്.
പരീക്ഷകൾക്കിടയിൽ ഇടവേളകൾ വർദ്ധിപ്പിച്ചാണ് പരീക്ഷ നടക്കുക. ഇത് പ്രകാരം ഒരു പരീക്ഷ കഴിഞ്ഞാൽ രണ്ടോ മൂന്നോ ദിവസം കഴിഞ്ഞാണ് അടുത്ത പരീക്ഷ നടക്കുക.വിദ്യാർത്ഥികൾക്ക് പ്ലസ് വൺ പരീക്ഷയ്ക്കുളള അവസാന വട്ട ഒരുക്കങ്ങൾ നടത്താമാണ് ഇങ്ങനെ ഇടവേള നൽകിയിരിക്കുന്നത്. വിദ്യാർത്ഥികളുടെ നിരന്തരമായ ആവശ്യത്തെ തുടർന്നാണ് പരീക്ഷ ടൈംടേബിൾ പുതുക്കിയത്.
പരീക്ഷയിൽ അധികചോദ്യങ്ങളും ഉൾപ്പെടുത്തിയിട്ടുണ്ട് ഇത് മൂലം വിദ്യാർത്ഥികൾക്ക് അഭിരുചിക്കനുസരിച്ച് ഉത്തരമെഴുതാൻ സാധിക്കും. ഓപ്ഷനുകളുടെ എണ്ണം വർദ്ധിപ്പിച്ചതോടെ സമാശ്വാസ സമയം 20 മിനിറ്റ് ആയി വർദ്ധിപ്പിച്ചിട്ടുമുണ്ട്.
Comments