ഡൂബ്ലിൻ:അന്താരാഷ്ട്ര ഫുഡ്ബോളിൽ ഏറ്റവും കൂടുതൽ ഗോൾ നേടുന്ന താരമായി ക്രിസ്റ്റ്യാനോ റൊണാൾഡോ. ലോകകപ്പ് യോഗ്യതാ മത്സരത്തിൽ അയർലാൻഡിനെതിരെയാണ് റൊണാൾഡോ ചരിത്ര നേട്ടം കൈവരിച്ചത്. മത്സരത്തിൽ ഇരട്ട ഗോളാണ് പോർച്ചുഗൽ താരം നേടിയത്. ഇതോടെ ഇറാൻ താരം അലി ദേയിയുടെ 109 ഗോളെന്ന റെക്കോർഡ് റൊണാൾഡോ മറികടന്നു. ആകെ 180 മത്സരങ്ങളിൽ നിന്നായി 111 ഗോളുകളാണ് താരം നേടിയത്.
റെക്കോർഡ് നേട്ടം കൈവരിച്ചതിനാൽ മാത്രമല്ല ഈ നിമിഷത്തിന്റെ പ്രത്യേകതയാലും അതീവ സന്തോഷവാനാണ് താനെന്ന് ചരിത്രം കുറിച്ച റൊണാൾഡോ പ്രതികരിച്ചു. ഇതിനിടെ മാഞ്ചസ്റ്റർ യുണൈറ്റഡിലേക്കുള്ള മടങ്ങിവരവ് മികച്ച തീരുമാനമായിരുന്നുവെന്ന് താരം പ്രതികരിച്ചിരുന്നു. ഒരു പതിറ്റാണ്ടിലധികം നീണ്ട ഇടവേളയ്ക്ക് ശേഷമാണ് റൊണാൾഡോ പഴയ ക്ലബ്ബിലേക്ക് തിരിച്ചെത്തുന്നത്.
Comments