വിനയന് സംവിധാനം ചെയ്യുന്ന പത്തൊന്പതാം നൂറ്റാണ്ട് എന്ന ചിത്രത്തിന്റെ മൂന്നാമത്തെ ക്യാരക്ടര് പോസ്റ്റര് റിലീസായി. കൊല്ലും കൊലയും നടത്താന് അവകാശമുള്ള പണിക്കശ്ശേരി തറവാട്ടിലെ പരമേശ്വരകൈമള് എന്ന കഥാപാത്രത്തെ അവതരിപ്പിക്കുന്ന സുരേഷ്കൃഷ്ണയുടെ പോസ്റ്ററാണ് സംവിധായകന് വിനയന് തന്റെ ഫേയ്സ്ബുക്ക് പേജിലൂടെ റിലീസ് ചെയ്തത്. ഗോകുലം മൂവിസിന്റെ ബാനറില് ഗോകുലം ഗോപാലന് നിര്മ്മിച്ച് വിനയന് സംവിധാനം ചെയ്യുന്ന ചിത്രമാണ് ‘പത്തൊന്പതാം നൂറ്റാണ്ട്’. നവോത്ഥാന നായകനും ആരെയും അതിശയിപ്പിക്കുന്ന ധീരനും പോരാളിയുമായിരുന്ന ആറാട്ടുപുഴ വേലായുധപ്പണിക്കര് എന്ന കേന്ദ്ര കഥാപാത്രത്തെ യുവ താരം സിജു വിത്സന് അവതരിപ്പിക്കുന്നു.
അനൂപ് മേനോന്, ചെമ്പന് വിനോദ്, സുധീര് കരമന, സുരേഷ് കൃഷ്ണ, ടിനി ടോം, വിഷ്ണു വിനയ്, ഇന്ദ്രന്സ്, രാഘവന്, ദീപ്തി സതി, പൂനം ബജ്വ, തുടങ്ങിയ ഒട്ടേറെ അഭിനേതാക്കളും നൂറിലധികം ജൂനിയര് ആര്ട്ടിസ്റ്റുകളും അഭിനയിക്കുന്ന ചിത്രമാണ് പത്തൊന്പതാം നൂറ്റാണ്ട്. ഷാജികുമാര് ഛായാഗ്രഹണം നിര്വ്വഹിക്കുന്നു. റഫീഖ് അഹമ്മദിന്റെ വരികള്ക്ക് എം. ജയചന്ദ്രന് സംഗീതം പകരുന്നു. എക്സിക്യൂട്ടീവ് പ്രൊഡ്യൂസര്- വി.സി. പ്രവീണ്, ബൈജു ഗോപാലന്, ക്യഷ്ണമൂര്ത്തി, പ്രൊജക്ട് ഡിസൈനര്- ബാദുഷ, കലാസംവിധാനം- അജയന് ചാലിശ്ശേരി, എഡിറ്റിങ്- വിവേക് ഹര്ഷന്,
Comments