ന്യൂയോർക്ക് : ആഗോളതലത്തിൽ ഹിന്ദുത്വത്തെ തകർക്കാനുള്ള ഗൂഢനീക്കവുമായി അജ്ഞാത സംഘടന. ഹിന്ദുത്വത്തിനെതിരെ പ്രഭാഷണ പരിപാടി സംഘടിപ്പിച്ചാണ് ഇതിന് ശ്രമിക്കുന്നത്. സംഭവത്തിൽ ശക്തമായ പ്രതിഷേധവുമായി അമേരിക്കൻ ഹിന്ദു സംഘടനകൾ രംഗത്ത് എത്തി.
ഈ മാസം 10 മുതൽ 12 വരെയാണ് പരിപാടി സംഘടിപ്പിക്കുന്നത്. ആഗോള ഹിന്ദുത്വത്തെ തകർത്തെറിയുക എന്നതാണ് വിഷയം. പരിപാടിയിൽ പങ്കെടുക്കുന്നവർക്ക് രജിസ്റ്റർ ചെയ്യുന്നതിനുള്ള പോർട്ടൽ ഉൾപ്പെടെ സംഘടന ലഭ്യമാക്കിയിട്ടുണ്ട്.
ലോകത്തെ 50 സർവ്വകലാശാലകളിലെ 70 ഓളം വകുപ്പുകളിലെ മേധാവിമാരാണ് പ്രഭാഷണത്തിൽ പങ്കെടുക്കുന്നതെന്നാണ് പരസ്യത്തിൽ നിന്നും ലഭിക്കുന്ന വിവരം. ഇതിന് പുറമേ മാദ്ധ്യമപ്രവർത്തകരും, സാംസ്കാരിക, സാമൂഹിക രംഗത്തെ പ്രമുഖരും പ്രഭാഷണം നടത്തുമെന്നും റിപ്പോർട്ടുണ്ട്. ഇന്ത്യയിലെയും അമേരിക്കയിലെയും ഹിന്ദു സംഘടനകൾക്കെതിരെ നിരന്തരം വിമർശിക്കുന്നവരാണ് ഇവരിൽ ഉൾപ്പെടുന്നത് എന്നാണ് സൂചന.
Comments