ന്യൂഡൽഹി: രാജ്യത്ത് കഴിഞ്ഞ ആഴ്ച റിപ്പോർട്ട് ചെയ്ത കൊറോണ ബാധിതരിൽ 68 ശതമാനവും കേരളത്തിൽ നിന്നാണെന്ന് കേന്ദ്ര ആരോഗ്യ സെക്രട്ടറി രാജേഷ് ഭൂഷൻ. കഴിഞ്ഞ 24 മണിക്കൂറിൽ രാജ്യത്ത് ആകെ റിപ്പോർട്ട് ചെയ്തത് 43,263 കേസുകൾ ആണ്. അതിൽ 32,000ൽ അധികം കേസുകൾ കേരളത്തിൽ നിന്നായിരുന്നു.
കൊറോണ കേസുകൾ മൊത്തതിൽ കുറയുന്ന പ്രവണത ആദ്യ തരംഗത്തിൽ ഉണ്ടായിരുന്നതിനേക്കാൾ 50 ശതമാനത്തിൽ താഴെയാണ്. രാജ്യം രണ്ടാം തരംഗത്തിൽ നിന്ന് മോചിതരായിട്ടില്ലെന്നും ആരോഗ്യ മന്ത്രാലയം അറിയിച്ചു. കഴിഞ്ഞ ദിവസം രാജ്യത്ത് 338 മരണങ്ങളാണ് റിപ്പോർട്ട് ചെയ്തത്. ഇതിൽ 181 പേർ കേരളത്തിലാണ്.
