മുംബൈ: അശ്ലീല ചിത്രങ്ങൾ നിർമ്മിക്കുകയും വിതരണം ചെയ്യുകയും ചെയ്ത സംഭവത്തിൽ വ്യവസായി രാജ് കുന്ദ്രയെക്കെതിരെ കുറ്റപത്രം സമ്മർപ്പിച്ചു. മുംബൈ പോലീസിലെ ക്രൈംബ്രാഞ്ച് സിഐഡി വിഭാഗമാണ് കുറ്റപത്രം സമർപ്പിച്ചത്.
ബോളിവുഡ് നടി ശിൽപ ഷെട്ടിയുടെ ഭർത്താവാണ് രാജ് കുന്ദ്ര. രാജ് കുന്ദ്രയും ഭാര്യാ സഹോദരൻ പ്രദീപ് ബക്ഷിയുമാണ് അശ്ലീലചിത്ര നിർമാണത്തിലെ മുഖ്യസൂത്രധാരൻമാർ. കുന്ദ്രയെയും സഹായി റിയാൻ ജോൺ ഥാർപയെയുമാണ് കേസിൽ പ്രതിചേർത്തിരിക്കുന്നത്. രണ്ടുപേരും നിലവിൽ ജുഡീഷ്യൽ കസ്റ്റഡിയിലാണ്.
അശ്ലീല ചിത്രങ്ങൾ നിർമ്മിച്ച് കുന്ദ്ര ആപ്പുകൾ വഴി വിതരണം ചെയ്തിരുന്നു. ഇതിനെതിരെ ലഭിച്ച പരാതിയിലാണ് അറസ്റ്റ്. സംഭവത്തിൽ കുന്ദ്രയ്ക്കെതിരെ മതിയായ തെളിവുകൾ ലഭിച്ചതായി മുംബൈ പോലീസ് കമ്മീഷണർ അറിയിച്ചിരുന്നു.
രാജ് കുന്ദ്രയ്ക്ക് പുറമേ 9 പേരെ കൂടി പോലീസ് അറസ്റ്റ് ചെയ്തിട്ടുണ്ട്. ഇന്ത്യൻ ശിക്ഷാ നിയമത്തിലെ വകുപ്പുകൾ പ്രകാരവും ഐടി നിയമപ്രകാരവുമാണ് പ്രതികൾക്കെതിരെ കേസെടുത്തിരിക്കുന്നത്.
Comments