വിൽനിയിസ് : ചൈനീസ് നിർമ്മിത മൊബൈൽ ഫോണുകൾ ഉപേക്ഷിക്കാൻ ആവശ്യപ്പെട്ട് ലിത്വിയാന.സുരക്ഷാപ്രശ്നങ്ങളെ മുൻനിർത്തിയാണ് ചൈനീസ് ബ്രാൻഡുകൾ പുറത്തിറക്കുന്ന മൊബൈൽ ഫോണുകൾ ഉപേക്ഷിക്കണമെന്ന് ലിത്വിയാന പ്രതിരോധമന്ത്രാലയം പൊതുജനത്തിനോട് ആവശ്യപ്പെട്ടത്.
ചൈനീസ് കമ്പനികളായ ഹുവായിയും ഷവോമിയും നിർമ്മിക്കുന്ന ഉപകരണങ്ങൾ കടുത്ത സൈബർ സുരക്ഷ വെല്ലുവിളിയാണ് ഉയർത്തുന്നത്.ചൈനീസ് കമ്പനികളുടെ മൊബൈൽ ഫോണുകളിൽ മുൻകൂട്ടി ഇൻസ്റ്റാൾ ചെയ്ത ആപ്പുകൾ ഡാറ്റാ ചോർച്ച ഉൾപ്പടെയുള്ള ഗുരുതരപ്രശ്നങ്ങൾ ഉണ്ടാക്കുന്നതായി ലിത്വിയാന സൈബർ സുരക്ഷ വിദഗ്ധർ കണ്ടെത്തിയിരുന്നു.
അതേസമയം ലിത്വിയാനയുടെ ആരോപണം തള്ളി ചൈനീസ് മൊബൈൽ നിർമ്മാണ കമ്പനിയായ ഷവോമി രംഗത്തെത്തി. യൂറോപ്യൻ യൂണിയന്റെ കർശനമായ സ്വകാര്യത-സുരക്ഷ നിയന്ത്രണങ്ങൾ പാലിച്ചാണ് മൊബൈൽ വിപണിയിലെത്തിക്കുന്നതെന്ന് കമ്പനി അവകാശപ്പെട്ടു.ഷവോമി മൊബൈൽ ഫോണുകൾ ഉപയോക്താക്കളുടെ ആശയവിനിമയത്തെ സെൻസർ ചെയ്യുന്നില്ലെന്ന് വ്യക്തമാക്കി.
