തൃശൂർ: തമിഴ്നാട്ടിലെ കുളച്ചൽ തീരത്ത് നിന്ന് ഫിഷിങ്ങ് ബോട്ട് വഴി മനുഷ്യക്കടത്തു നടത്തുന്നതായി രഹസ്യാന്വേഷണ വിഭാഗത്തിന്റെ മുന്നറിയിപ്പ്. മാരിയൻ എന്ന ഫിഷിങ് ബോട്ടിലാണ് മനുഷ്യക്കടത്ത് നടത്തുന്നത്. കാനഡയിലേക്കാണ് ഇവരെ കൊണ്ടുപോകുന്നതെന്നാണ് രഹസ്യാന്വേഷണ വിഭാഗത്തിന് സൂചന ലഭിച്ചത്.
അഴീക്കോട് കോസ്റ്റൽ പൊലീസാണ് ഇത് സംബന്ധിച്ച് അടിയന്തര മുന്നറിയിപ്പ് നൽകിയിരിക്കുന്നത് . തൃശൂർ ജില്ലയിലെ തീരപ്രദേശങ്ങളിലും തീരപ്രദേശങ്ങളോട് ചേർന്നുള്ള നഗരപ്രദേശങ്ങളിലും ഫിഷ് ലാൻറിങ് സെൻറുകളിലും സംശയകരമായി തോന്നുന്ന ആളുകളെയും, ദൂരയാത്ര നടത്തുന്നതിനുള്ള തയ്യാറെടുപ്പുമായി ബാഗുകളും മറ്റുമായി കാണുന്ന ആളുകളെയും കണ്ടാൽ ഉടൻ അഴീക്കോട് കോസ്റ്റൽ പോലീസിൽ വിവരം അറിയിക്കണം എന്നാണ് മുന്നറിയിപ്പിൽ വ്യക്തമാക്കുന്നത്. പോലീസ് സ്റ്റേഷനിൽ ബന്ധപ്പെടേണ്ട നമ്പറും പോലീസ് പ്രചരിപ്പിച്ചിട്ടുണ്ട് . കോസ്റ്റൽ പൊലീസ് ടെലിഫോൺ 1093, (ടോൾ ഫ്രീ) 04802815100 നമ്പറിലോ അറിയിക്കേണ്ടതാണെന്നാണ് മുന്നറിയിപ്പ്.
Comments