മുംബൈ: പൂനെയിലെ നിർമ്മാണശാലയിൽ നിന്നും ഒരു ലക്ഷം ആൾട്രോസുകളുടെ നിർമ്മാണം പൂർത്തിയാക്കി ടാറ്റ മോട്ടോഴ്സ്. വാഹനം അവതരിപ്പിച്ച് 20 മാസങ്ങൾ തികയുമ്പോഴാണ് നിർമ്മാതാക്കൾ ഈ നേട്ടം കൈവരിക്കുന്നത്. ആൽഫ(അജൈൽ ലൈറ്റ് ഫ്ലെക്സിബിൽ അഡ്വാൻസ്ഡ്) ആർക്കിടെക്ചർ ഉപയോഗിച്ച് നിർമ്മിച്ച ടാറ്റയുടെ ആദ്യ വാഹനമാണ് ആൾട്രോസ്
, പ്രീമിയം ഹാച്ച്ബാക്ക് എന്ന വെല്ലുവിളികൾ നിറഞ്ഞ വിഭാഗത്തിൽ ഒരു ലക്ഷം നിർമ്മാണം പൂർത്തിയാക്കുക എന്നത് ആൾട്രോസിന്റെ വിജയത്തെയാണ് സൂചിപ്പിക്കുന്നത്. ഏറ്റവും പ്രശസ്തമായ മാരത്തൺ ഇവന്റുകൾക്ക് മുൻനിര കാർ ആകുന്നത് മുതൽ, ഈ വർഷം നമ്മുടെ ഒളിമ്പ്യൻമാർക്ക് അനുയോജ്യമായ പ്രതിഫലം തിരഞ്ഞെടുക്കുന്നത് വരെ, ആൾട്രോസ് എല്ലാവരുടെയും ഹൃദയം നേടി. ഇന്ത്യൻ ഉപഭോക്താക്കളിൽ നിന്നുള്ള വർദ്ധിച്ചുവരുന്ന അംഗീകാരവും വിപണി സ്വാധീനവും ഉറപ്പിച്ച്, ഭാവിയിൽ കൂടുതൽ വിജയത്തിന് ആൾട്രോസ് തയ്യാറാണെന്ന് ഞങ്ങൾക്ക് ഉറപ്പുണ്ട്’ ടാറ്റ മോട്ടേഴ്സ് പിവിബിയു, സെയിൽസ്, മാർക്കറ്റിംഗ് ആൻഡ് കസ്റ്റമർ കൈയർ വൈസ് പ്രസിഡന്റ് രാജൻ അംബ പറഞ്ഞു.
1.2 ലിറ്റർ റിവോട്രോൺ പെട്രോൾ, 1.2 ലിറ്റർ ഐ-ടർബോ പെട്രോൾ, 1.5 ലിറ്റർ ഡീസൽ എഞ്ചിൻ എന്നിവയിൽ ആറ് വേരിയന്റുകളിലാണ് ടാറ്റ ആൾട്രോസ് അവതരിപ്പിച്ചത്. കൂടാതെ ഐആർഎ കണക്റ്റഡ് കാർ ടെക്നോളജി, ടച്ച്സ്ക്രീൻ ഇൻഫോടെയ്ൻമെന്റ്, ലീതെറെറ്റ് സീറ്റുകൾ, 7 ഇഞ്ച് ടിഎഫ്ടി ഡിജിറ്റൽ ക്ലസ്റ്റർ, 16 ഇഞ്ച് അലോയ് വീലുകൾ, ക്രൂയിസ് കൺട്രോൾ, റിയർ എസി തുടങ്ങി എല്ലാ പ്രീമിയം സവിശേഷതകൾ ലഭ്യമാണ്. വെന്റുകളും മറ്റും. 5.84 ലക്ഷം മുതൽ 9.59 ലക്ഷം രൂപ വരെയാണ് ആൾട്രോസിന്റെ വില. 2020 ജനുവരിയിലായിരുന്നു ടാറ്റ ഈ വാഹനം അവതരിപ്പിച്ചത്.
