ലക്നൗ: തന്റെ ചെറുപ്പകാലം മുതലുള്ള തീവ്രമായ ആഗ്രഹം സഫലമായെന്ന് തേജസ്വി സൂര്യ എം.പി. അയോദ്ധ്യക്ഷേത്ര ദർശന യാത്രക്കിടെയാണ് തന്റെ ഏറെകാലത്തെ ആഗ്രഹമാണ് സഫലമാകുന്നതെന്ന് തേജസ്വി സൂര്യ വ്യക്തമാക്കിയത്. ഉത്തർപ്രദേശിൽ ഭാരതീയ ജനതാ യുവമോർച്ചയുടെ പരിപാടിയുമായി എത്തിയ തേജസ്വി അയോദ്ധ്യക്ഷേത്ര ദർശനം നടത്തിയതിന്റെ ആവേശമാണ് ട്വിറ്ററിലൂടെ പങ്കുവെച്ചത്.
हर हिन्दू युवा की तरह ही, बचपन से मेरी भी अयोध्या जाने की तीव्र इच्छा रही है।
आज मेरी यह इच्छा पूर्ण हुई। इसके लिए मैं युवा मोर्चा उत्तर प्रदेश को धन्यवाद करता हूं। pic.twitter.com/xOyQ1NyfF2
— Tejasvi Surya (@Tejasvi_Surya) September 30, 2021
യുവമോർച്ചയുടെ ദേശീയ അദ്ധ്യക്ഷനെന്ന നിലയിൽ ഉത്തർപ്രദേശിലേക്കുള്ള ആദ്യയാത്രയിൽ വമ്പിച്ച സ്വീകരണമാണ് തേജസ്വി സൂര്യ ഏറ്റുവാങ്ങിയത്. യോഗി ആദിത്യനാഥിന്റെ കീഴിലെ മികച്ച ഭരണത്തിന് യുവാക്കളുടെ മുഴുവൻ പിന്തുണയും തേജസ്വി സൂര്യ പ്രഖ്യാപിച്ചു.വിവിധ രംഗത്തുള്ള പ്രമുഖരുമായി സംവദിക്കാൻ സാധിച്ചതിലുള്ള സന്തോഷവും തേജസ്വി സൂര്യ പങ്കുവെച്ചു.
യുവമോർച്ച അഖിലേന്ത്യാ തലത്തിൽ വ്യാപിപ്പിക്കുന്ന “ബിജെവൈഎം- ഡോക്ടർ ഹെൽപ്പ്ലൈൻ” ഉദ്ഘാടനം ചെയ്ത ബി.ജെ.പി ദേശീയ അദ്ധ്യക്ഷൻ ജെ.പി.നദ്ദയ്ക്കും തേജസ്വിസൂര്യ നന്ദി അറിയിച്ചു. യുവാക്കളുടെ സേവനസന്നദ്ധത രാജ്യത്തെ സാധാര ണക്കാരുടെ ആരോഗ്യരംഗത്ത് വലിയ മാറ്റം കൊണ്ടുവരുമെന്നും തേജസ്വി സൂര്യ പറഞ്ഞു.
