അത്യാധുനിക സംവിധാനങ്ങളുള്ള സുരക്ഷാ ക്യാമറകൾ സ്ഥാപിച്ച് വെസ്റ്റേൺ റെയിൽവേ
മുംബൈ: റെയിൽവേസ്റ്റേഷനുകളിൽ സുരക്ഷ ശക്തമാക്കി വെസ്റ്റേൺ റെയിൽവേ.മുംബൈയിലെ ലോക്കൽ ട്രയിൻ ശൃംഖലയിൽ 2,729 ക്യാമറകൾ സ്ഥാപിച്ചു.വിരാർ മുതൽ ചർച്ച് ഗേറ്റ് വരെയുള്ള 30 സ്റ്റേഷനുകളിലാണ് സുരക്ഷാക്യാമറകൾ സ്ഥാപിച്ചത്.
2കെ ടെക്നോളജി അടിസ്ഥാനമാക്കിയുള്ള ക്യാമറകളാണ് സ്ഥാപിച്ചത്.മുഖം തിരിച്ചറിയാൻ കഴിയുന്നതടക്കമുള്ള അത്യാധുനിക സംവിധാനങ്ങളടങ്ങിയ 450 ഓളം ക്യാമറകളും സ്ഥാപിച്ചവയിൽ ഉൾപ്പെടുന്നു. ക്യാമറകൾ ഒക്ടോബർ അവസാനവാരത്തോടെ പൂർണമായും പ്രവർത്തന സജ്ജമാകുമെന്ന് വെസ്റ്റേൺ റെയിൽവേ സിപിആർഒ സുമിത് താക്കൂർ വ്യക്തമാക്കി.
കഴിഞ്ഞ ദിവസം റെയിൽവേ പരിസരത്ത് സുരക്ഷ ശക്തിപ്പെടുത്തുന്നതിന്റെ ഭാഗമായി ഇൻഫ്രാറെഡ് ഇൻട്രൂഡർ അലാറം സിസ്റ്റം ഉദ്ഘാടനം ചെയ്തിരുന്നു. അതിന് പിന്നാലെയാണ് പുതിയ സുരക്ഷാ മുൻകരുതലുകൾ.
