കൊച്ചി: അപ്പാച്ചെ ആർടിആർ 160 4വി സീരീസ് മോട്ടോർസൈക്കിളുകളുടെ അഡ്വാൻസ്ഡ് ശ്രേണി അവതരിപ്പിച്ച് ലോകത്തിലെ പ്രമുഖ ഇരുചക്ര, മുച്ചക്ര വാഹന നിർമാതാക്കളായ ടിവിഎസ് മോട്ടോർ കമ്പനി. ഡേടൈം റണ്ണിംഗ് ലാംപ് (ഡിആർഎൽ) ഉൾപ്പെടുത്തിയുള്ള പുതിയ ഹെഡ്ലാംപ്, മൂന്ന് റൈഡ് മോഡുകൾ എന്നീ സവിശേഷതകളോടെയാണ് പുതുനിര വാഹനങ്ങളെത്തുന്നത്. ടിവിഎസ് അപ്പാച്ചെ ആർടിആർ 160 4വിയുടെ പ്രത്യേക എഡിഷനും ഇതോടൊപ്പം കമ്പനി അവതരിപ്പിച്ചിട്ടുണ്ട്.
മാറ്റ്ബ്ലാക്ക് നിറത്തിൽ ചുവന്ന അലോയ് വീലുകളും പുതിയ സീറ്റ് പാറ്റേണുമായാണ് സ്പെഷ്യൽ എഡിഷൻ എത്തുന്നത്. അഡ്ജസ്റ്റ് ചെയ്യാവുന്ന ക്ലച്ചും ബ്രേക്ക് ലിവറുകളും, പുതിയ ഹെഡ്ലാംപ് തുടങ്ങി ഈ വിഭാഗത്തിലെ ആദ്യ സവിശേഷതകളും പ്രത്യേക പതിപ്പിൽ സജ്ജീകരിച്ചിട്ടുണ്ട്. ഗിയർ ഷിഫ്റ്റ് ഇൻഡിക്കേറ്റർ, റേഡിയൽ റിയർ ടയർ എന്നിവയും ഇതോടൊപ്പം ലഭിക്കും. അപ്പാച്ചെ ആർടിആർ 160 4വിയുടെ ഉയർന്ന വേരിയന്റിലും,അപ്പാച്ചെ ആർടിആർ 160 4വി സ്പെഷ്യൽ എഡിഷനിലും ടിവിഎസ് സ്മാർട്ട്കണക്റ്റ് ഉൾപ്പെടുത്തിയിട്ടുണ്ട്. അർബൻ, സ്പോർട്ട്, റെയിൻ എന്നിങ്ങനെ മൂന്ന് റൈഡ് മോഡുകളിലാണ് അപ്പാച്ചെ എത്തുന്നത്.
ടിവിഎസ് അപ്പാച്ചെ ആർടിആർ 160 4വി, ടിവിഎസ് അപ്പാച്ചെ ആർടിആർ 160 4വി സ്പെഷ്യൽ എഡിഷൻ എന്നിവ ഉപഭോക്താക്കൾക്ക് ഇന്ത്യയിലെ എല്ലാ അംഗീകൃത ടിവിഎസ് മോട്ടോർ കമ്പനി ഡീലർഷിപ്പുകളിലും ലഭ്യമാണ്. റേസിംഗ് റെഡ്, മെറ്റാലിക് ബ്ലൂ, നൈറ്റ് ബ്ലാക്ക് എന്നീ മൂന്ന് നിറങ്ങളിലും, ഡ്രം, സിംഗിൾ ഡിസ്ക്, റിയർ ഡിസ്ക് എന്നിങ്ങനെ മൂന്ന് വകഭേദങ്ങളിലും ടിവിഎസ് അപ്പാച്ചെ ആർടിആർ 160 4വി ലഭിക്കും. ടിവിഎസ് അപ്പാച്ചെ ആർടിആർ 160 4വി സ്പെഷ്യൽ എഡിഷന് 1,21,372 രൂപയും, ടിവിഎസ് അപ്പാച്ചെ ആർടിആർ 160 4വിയ്ക്ക് (ഡ്രം) 1,15,265 രൂപയും, ടിവിഎസ് അപ്പാച്ചെ ആർടിആർ 160 4വിയ്ക്ക് (സിംഗിൾ ഡിസ്ക്) 1,17,350 രൂപയും, ടിവിഎസ് അപ്പാച്ചെ ആർടിആർ 160 4വിയ്ക്ക് (പിൻ ഡിസ്ക്) 1,20,050 രൂപയുമാണ് എക്സ്ഷോറൂം വില.
റേസിംഗ് ആരാധകർക്ക് അത്യാധുനിക സാങ്കേതികവിദ്യകൾ ലഭ്യമാക്കി, ഞങ്ങളുടെ ഉപഭോക്താക്കളുടെ വർധിച്ചുവരുന്ന പ്രതീക്ഷകൾക്ക് അനുസൃതമായുള്ളതാണ് ടിവിഎസ് അപ്പാച്ചെ ആർടിആർ 160 4വി സീരീസ് മോട്ടോർസൈക്കിളുകളെന്ന് ടിവിഎസ് മോട്ടോർ കമ്പനിയുടെ പ്രീമിയം മോട്ടോർസൈക്കിൾസ് മാർക്കറ്റിങ് മേധാവി മേഘശ്യാം ദിഗോൾ പറഞ്ഞു.
നാല് പതിറ്റാണ്ട് പിന്നിടുന്ന റേസിംഗ് പാരമ്പര്യത്തിലേക്ക്, ഈ വിഭാഗത്തിലെ തന്നെ ആദ്യ സവിശേഷതകളുടെ നിരയുമായി ടിവിഎസ് അപ്പാച്ചെ ആർടിആർ 160 4വി സീരീസ് മോട്ടോർസൈക്കിളുകളുടെ വിപുലമായ ശ്രേണി അവതരിപ്പിക്കുന്നതിൽ ഞങ്ങൾ സന്തുഷ്ടരാണ്. ടിവിഎസ് അപ്പാച്ചെ സീരീസ് ഉത്പന്ന നിരയിലേക്ക് ഉപചാരമായുള്ള ടിവിഎസ് അപ്പാച്ചെ ആർടിആർ 160 4വി സ്പെഷ്യൽ എഡിഷൻ, ടിവിഎസ് മോട്ടോർ കമ്പനിയുടെ പ്രീമിയം ഇരുചക്ര വാഹന വാഗ്ദാനങ്ങളെ കൂടുതൽ ശക്തിപ്പെടുത്തുമെന്നും അദ്ദേഹം കൂട്ടിച്ചേർത്തു.
