ബ്യൂണസ് അയേഴ്‌സ്: ലോകകപ്പ് യോഗ്യതാ പോരാട്ടത്തിൽ അർജ്ജന്റീനയ്ക്ക് ജയം. പെറുവിനെ എതിരില്ലാത്ത ഒരു ഗോളിനാണ് അർജ്ജന്റീന തോൽപ്പിച്ചത്.
കളിയുടെ ആദ്യ പകുതിയിലാണ് ഗോൾ പിറന്നത്. ലൗറേറ്റോ മാർട്ടിനസാണ് വിജയഗോൾ നേടിയത്.പത്തു ടീമുകൾ മാറ്റുരയ്‌ക്കുന്ന ലാറ്റിനമേരിക്കൻ രാജ്യങ്ങളുടെ യോഗ്യതാ മത്സരത്തിൽ 11-ാം മത്സരത്തിലാണ് അർജ്ജന്റീന ജയം നേടിയത്.
നിലവിൽ 11 മത്സരങ്ങളിലായി 10 ജയത്തോടെ 31 പോയിന്റുകളുമായി ബ്രസീലാണ് ഒന്നാമത്. 7 ജയമാണ് അർജ്ജന്റീനയ്‌ക്കുള്ളത്. മൂന്നാം സ്ഥാനത്ത് 5 മത്സരങ്ങൾ ജയിച്ച ഇക്വഡോറും നാലാം സ്ഥാനത്ത് കൊളംബിയയുമാണുള്ളത്. ഉറുഗ്വേ അഞ്ചാം സ്ഥാനത്താണ്.
