ന്യൂഡൽഹി: കൊറോണ വ്യാപനത്തിന്റെ പശ്ചാത്തലത്തിൽ അന്താരാഷ്ട്ര വിമാന സർവീസുകളുടെ വിലക്ക് നീട്ടി ഇന്ത്യ. നവംബർ 30 വരെ വിലക്ക് നീട്ടിയതായി ഡിസിജിഎ സർക്കുലർ പുറത്തുവിട്ടു. ചരക്കു നീക്കത്തിന് തടസമില്ലെന്നും ഡിസിജിഎ അറിയിച്ചു.
വിവിധ രാജ്യങ്ങളുമായുള്ള ധാരണയുടെ അടിസ്ഥാനത്തിൽ പ്രവർത്തിക്കുന്ന വിമാന സർവീസുകൾക്ക് ഇളവുകൾ നൽകിയിട്ടുണ്ട്. ഇതിനു മുൻപ് ഒക്ടോബർ 31 വരെയായിരുന്നു വിമാനങ്ങൾക്ക് വിലക്കേർപ്പെടുത്തിയിരുന്നത്.
കൊറോണ വ്യാപനത്തിന്റെ ആരംഭത്തിൽ 2020 മാർച്ചിലാണ് ആദ്യമായി ഇന്ത്യ രാജ്യന്തര വിമാനസർവീസുകൾക്ക് വിലക്കേർപ്പെടുത്തിയത്. ഇതിനിടെ ചില ഇളവുകൾ അനുവദിച്ചെങ്കിലും വിമാന സർവീസുകൾക്ക് പൂർണമായും അനുമതി നൽകിയിട്ടില്ല.
