കോഴിക്കോട്: കരിപ്പൂർ വിമാനത്താവളത്തിൽ വീണ്ടും സ്വർണ്ണവേട്ട. അടി വസ്ത്രത്തിനുള്ളിൽ ഒളിപ്പിച്ചു കടത്താൻ ശ്രമിച്ച 99 ലക്ഷം രൂപ വില വരുന്ന സ്വർണ്ണം പിടികൂടി. ഐഎക്സ് 354 വിമാനത്തിലെ എയർഹോസ്റ്റസ് ആണ് പിടിയിലായത്. ഇവരെ അറസ്റ്റ് ചെയ്തു.
മലപ്പുറം ചുങ്കത്തറ സ്വദേശി പി. ഷഹാനയാണ് (30) അറസ്റ്റിലായത്. ഷാർജ്ജയിൽ നിന്നും കോഴിക്കോടെത്തിയ ഐഎക്സ് 354 വിമാനത്തിലെ എയർഹോസ്റ്റസ് ആണിവർ. 2.4 കിലോഗ്രാം സ്വർണ്ണ മിശിത്രത്തിൽ നിന്നും 2.054 കിലോഗ്രാം സ്വർണ്ണം വേർതിരിച്ചെടുത്തുവെന്ന് കസ്റ്റംസ് അറിയിച്ചു.
കോഴിക്കോട് ഡിആർഐ ഉദ്യോഗസ്ഥർക്ക് ലഭിച്ച രഹസ്യ വിവരത്തെ തുടർന്ന് എയർ കസ്റ്റംസ് ഇന്റലിജൻസുമായി ചേർന്ന് നടത്തിയ പരിശോധനയിലാണ് സ്വർണ്ണ മിശ്രിതം പിടികൂടുന്നത്. ഷഹാനയെ ചോദ്യം ചെയ്ത് വരികയാണെന്ന് കസ്റ്റംസ് ഉദ്യോഗസ്ഥർ അറിയിച്ചു.
