കണ്ണൂർ : തളിപ്പറമ്പിൽ ബൈക്കിൽ കഞ്ചാവ് കടത്താൻ ശ്രമിച്ച യുവാവിനെ എക്സൈസ് പിടികൂടി. ചെമ്മിണിച്ചൂട്ട സ്വദേശി വി.പി ജംഷീറാണ് പിടിയിലായത്. ഇയാളുടെ പക്കൽ നിന്നും ഒന്നര കിലോ കഞ്ചാവും പിടിച്ചെടുത്തു.
നാടുകാണിയിൽ എക്സൈസ് സംഘം നടത്തിയ വാഹന പരിശോധനയ്ക്കിടെയാണ് ജംഷീർ പിടിയിലായത്. മംഗലാപുരത്തു നിന്നും കഞ്ചാവുമായി വരികയായിരുന്നു ജംഷീർ. തളിപ്പറമ്പ് റെയ്ഞ്ച് എക്സൈസ് ഇൻസ്പെക്ടർ ടി.വി.രാമചന്ദ്രന്റെ നേതൃത്വത്തിലുള്ള സംഘമാണ് ഇയാളെ പിടിക്കൂടിയത്.
മംഗലാപുരത്ത് നിന്നും 30,000 രൂപയ്ക്കാണ് പ്രതി കഞ്ചാവ് വാങ്ങിയിരുന്നത് . ഇത് നാട്ടിലെത്തിച്ച് ചില്ലറ വിൽപ്പന നടത്തി വരികയായിരുന്നു ഇയാൾ.
