പാലക്കാട് : ജില്ലയിലെ ഏറ്റവും തിരക്കേറിയ പാതയായ ഷൊർണൂർ – പട്ടാമ്പി റോഡിന്റെ ശോചനീയാവസ്ഥയ്ക്ക് പരിഹാരമായില്ല. റോഡ് പൂർണമായും തകർന്ന് സഞ്ചാര യോഗ്യമല്ലാതായിട്ട് മാസങ്ങൾ പിന്നിട്ടു. റോഡിൽ വലിയ ഗട്ടറുകൾ രൂപപ്പെട്ടതിനാൽ യാത്ര ദുഷ്കരമായിരിക്കുന്നു. ഇരുചക്രവാഹനങ്ങളടക്കം അപകടത്തിൽ പെടുന്നത് ഇവിടെ നിത്യസംഭവമാണ്.
റോഡിന്റെ ശോചനീയാവസ്ഥക്കെതിരെ യുവമോർച്ച പ്രവർത്തകർ സംഘടിപ്പിച്ച
പ്രതിഷേധം ശ്രദ്ധേയമായി.’ഗട്ടറിനൊരു കട്ടൻ’ എന്ന പേരിട്ട് നടത്തിയ സമരം പട്ടാമ്പി മണ്ഡലം കമ്മറ്റിയാണ് സംഘടിപ്പിച്ചത്. യാത്രക്കാർക്ക് കട്ടൻ ചായ നൽകി കൊണ്ടായിരുന്നു പ്രതിഷേധ സമരം നടത്തിയത്. ജില്ലാ വൈസ് പ്രസിഡന്റ് റഹീം ഓങ്ങല്ലുർ ഉദ്ഘാടനം ചെയ്തു.
മണ്ഡലം പ്രസിഡന്റ് വിപിൻ വിജയ്, ജനറൽ സെക്രട്ടറി മഹേഷ് ആമയൂർ, വൈസ് പ്രസിഡന്റ് ജിനേഷ്, ബിജെപി മണ്ഡലം ജനറൽ സെക്രട്ടറി ഗോപി പൂവക്കോട് എന്നിവരാണ് സമരത്തിന് നേതൃത്വം നൽകിയത്.
Comments