ന്യൂഡൽഹി: അപൂർവ്വമായ ചന്ദ്രഗ്രഹണത്തിന് സാക്ഷിയാകാൻ ലോകമൊരുങ്ങി. 580 വർഷത്തിനിടെയുള്ള ഏറ്റവും ദൈർഘ്യമേറിയ ഭാഗിക ചന്ദ്രഗ്രഹണം ആണ് ദൃശ്യമാവുക. നവംബർ 19 ന് ഭാഗിക ചന്ദ്രഗ്രഹണം ആകാശത്ത് ദൃശ്യമാകും. മൂന്ന് മണിക്കൂർ 28 മിനിറ്റ് 24 സെക്കൻഡ് െൈദർഘ്യമുള്ളതാണ് അപൂർവ്വ ചന്ദ്രഗ്രഹണമെന്ന് എംപി ബിർള പ്ലാനറ്റേറിയം റിസർച്ച് ആൻഡ് അക്കാദമി ഡയറക്ടർ ദേബി പ്രൊസാദ് ദുവാരി വ്യക്തമാക്കി.
നവംബർ 19 ന് ഉച്ചയ്ക്ക് 12:48 ന് ആരംഭിക്കുന്ന ചന്ദ്രഗ്രഹണം വൈകീട്ട് 4:17 ന് അവസാനിക്കും.
ഭാഗിക ചന്ദ്രഗ്രഹണത്തിന്റെ വേളയിൽ രക്തവർണത്തിലാണ് ചന്ദ്രൻ ദൃശ്യമാവുക.1440 ഫെബ്രുവരി 18 ന് ആണ് അവസാനമായി ഈ അപൂർവ്വ ചന്ദ്രഗ്രഹണം ആകാശത്ത് ദൃശ്യമായത്. നവംബർ 19 ന് ശേഷം ഈ അപൂർവ്വ പ്രതിഭാസം 2969 ഫെബ്രുവരി എട്ടിനാണ് ദൃശ്യമാവുക.
കേരളത്തിൽ ചന്ദ്രഗ്രഹണം ദൃശ്യമാവില്ല.വടക്കുകിഴക്കൻ സംസ്ഥാനങ്ങളായ അരുണാചൽ പ്രദേശിലേയും അസമിലേയും ചില മേഖലകളിൽ ഈ അപൂർവ ചന്ദ്രഗ്രഹണം ദൃശ്യമാകും.ഇന്ത്യയിലെ വടക്കുകിഴക്കൻ സംസ്ഥാനങ്ങൾക്ക് പുറമേ നോർത്ത് അമേരിക്ക, സൗത്ത് അമേരിക്ക, കിഴക്കൻ ഏഷ്യൻ, ഓസ്ട്രേലിയ, പസഫിക് മേഖലകളിൽ ഭാഗിക ചന്ദ്രഗ്രഹണം ദൃശ്യമാകും.
