പാലക്കാട്:മുന്നറിയിപ്പില്ലാതെ ആളിയാർ ഡാം തുറന്ന് വിട്ട് തമിഴ്നാട്.ഇതേ തുടർന്ന് പാലക്കാട് ജില്ലയിലെ പുഴകളിൽ വെള്ളം നിറഞ്ഞൊഴുകാൻ തുടങ്ങി. യാക്കരപ്പുഴയിലേക്ക് അധിക വെളളമെത്തി. ചിറ്റൂർ പുഴയിൽ ജലനിരപ്പ് ഉയർന്ന് പുഴ കരകവിഞ്ഞൊഴുകി.ക്രമാധീതമായി.ഇതിന്റെ ഫലമായി ഭാരതപ്പുഴയിലെ ജലനിരപ്പ് വർദ്ധിക്കും.
മുന്നറിയിപ്പില്ലാതെ ഡാം തുറന്നുവിട്ടത് കേരളത്തിന് വലിയ ബുദ്ധിമുട്ടാണ് സൃഷ്ടിച്ചിരിക്കുന്നത്. പുഴകളിലേക്കും മറ്റും വെള്ളം ഇരച്ചെത്തിയപ്പോൾ പരിഭ്രാന്തിയിലായ ആളുകളെ നിയന്ത്രിക്കാനുള്ള ശ്രമം തുടരുകയാണ്.
മുൻപും തമിഴ്നാട് ഇത്തരത്തിൽ മുന്നറിയിപ്പില്ലാതെ ഡാം തുറന്നു വിട്ടിരുന്നു.തുടർന്ന് ഇനി ഡാം തുറക്കുമ്പോൾ മുന്നറിയിപ്പ് നൽകണമെന്ന് കേരളം അഭ്യർത്ഥിച്ചിരുന്നു. ഇത് വക വെയ്ക്കാതെയാണ് തമിഴ്നാടിന്റെ നടപടി.
Comments