‘നന്ദി.. തിയേറ്ററുകൾക്ക് കാവലായതിന്… എനിക്ക് കാവലായതിന്’: കൈകൂപ്പി സുരേഷ് ഗോപി

സുരേഷ് ഗോപി നായകനായ കാവൽ മികച്ച പ്രതികരണം നേടി തീയേറ്ററിൽ പ്രദർശനം തുടരുകയാണ്. സുരേഷ് ഗോപിയുടെ ‘മാസ് തിരിച്ചുവരവ്’ എന്ന് ചിത്രം കണ്ടിറങ്ങിയ ആരാധകർ ഒന്നടങ്കം പറയുന്നു. ഇപ്പോഴിതാ പിന്തുണയ്‌ക്ക് നന്ദി അറിയിച്ചെത്തിരിക്കുകയാണ് പ്രിയതാരം സുരേഷ് ഗോപി. ഒരിടവേളയ്‌ക്ക് ശേഷം സുരേഷ് ഗോപി കേന്ദ്ര കഥാപാത്രമായി എത്തുന്ന ചിത്രമാണ് കാവൽ.

‘നന്ദി.. തിയേറ്ററുകൾക്ക് കാവലായതിന്.. നമ്മുടെ സിനിമയ്‌ക്ക് കാവലായതിന്.. എനിക്ക് കാവലായതിന്…’ സുരേഷ് ഗോപി കുറിച്ചു. നിഥിൻ രൺജി പണിക്കർ സംവിധാനം ചെയ്യുന്ന ചിത്രം നവംബർ 25 മുതലാണ് പ്രദർശനം തുടങ്ങിയത്. ഹൈറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥയാണ് ചിത്രം പറയുന്നത്. ചിത്രത്തിൽ തമ്പാൻ എന്ന കഥാപാത്രമായാണ് സുരേഷ് ഗോപി എത്തുന്നത്.

സുരേഷ് ഗോപിയെ കൂടാതെ രൺജി പണിക്കർ, പത്മരാജ് രതീഷ്, മുത്തുമണി, റേച്ചൽ ഡേവിഡ്, ഇവാൻ അനിൽ, സാദീഖ്, കിച്ചു ടെല്ലസ്, ശങ്കർ രാമകൃഷ്ണൻ തുടങ്ങി താരങ്ങളുടെ നീണ്ട നിര തന്നെയുണ്ട്. ഗുഡ്വിൽ എന്റർടെയ്ൻമെന്റ്സിന്റെ ബാനറിൽ ജോബി ജോർജ്ജാണ് സിനിമ നിർമ്മിക്കുന്നത്.

https://www.facebook.com/ActorSureshGopi/posts/2201039770038628