തിരുവനന്തപുരം:ജില്ലയിലെ മലയോരമേഖലയിൽ മഴ ശക്തമായി തുടരുന്നു.വെള്ളറട കുരിശുമല അടിവാരത്ത് ശക്തമായി പെയ്ത മഴയിൽ നിരവധി വീടുകൾ വെള്ളത്തിനടിയിലായി.എട്ടോളം കുടുംബങ്ങളെ മാറ്റിപ്പാർപ്പിച്ചു. ഏക്കറുകണക്കിന് കൃഷിയിടങ്ങൾ വെള്ളത്തിനടിയിലായതായി റിപ്പോർട്ട്. ചങ്കിലി, കത്തിപ്പാറ തുടങ്ങിയ ഭാഗങ്ങളിലായി ഏക്കറുകണക്കിന് കൃഷിയിടങ്ങൾ വെള്ളത്തിനടിയിലായി.
മഴവെള്ളം വീടുകളിൽ കയറി നിരവധി വീടുകൾക്ക് കേടുപാടുകൾ സംഭവിച്ചു.കത്തിപ്പാറ സ്വദേശി സുഭദ്രയുടെ വീട് ഭാഗികമായി തകർന്നു.പ്രദേശത്തെ എട്ടു കുടുംബങ്ങളെ ബന്ധുവീടുകളിലേക്ക് മാറ്റിപ്പാർപ്പിച്ചു.
കനത്തമഴ തുടരുന്ന സാഹചര്യത്തിൽ തിരുവനന്തപുരം,കൊല്ലം ജില്ലകളിലെ പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർമാർ നാളെ അവധി പ്രഖ്യാപിച്ചു.തിരുവനന്തപുരത്തു നേരത്തെ നിശ്ചയിച്ച പരീക്ഷകൾക്ക് മാറ്റമില്ല.
