ധാക്ക ; പാകിസ്താനും ബംഗ്ലാദേശും തമ്മിലുള്ള ഒന്നാം ക്രിക്കറ്റ് ടെസ്റ്റിനിടെ, പാക് പേസ് ബോളർ ഷഹീൻ ഷാ അഫ്രീദിയെ പരസ്യമായി പരിഹസിച്ച് ബംഗ്ലദേശ് ആരാധകർ. ടെസ്റ്റിന്റെ മൂന്നാം ദിവസം ബൗണ്ടറിക്കരികെ ഫീൽഡ് ചെയ്യുമ്പോഴാണ് മാത്യു വെയ്ഡിന്റെ ഹാട്രിക് സിക്സിനെക്കുറിച്ച് ബംഗ്ലാദേശ് കാണികളിൽ ഒരു വിഭാഗം ആർത്ത് വിളിച്ച് കൂകിയത് .
ഈ മാസം ആദ്യം നടന്ന ടി20 ലോകകപ്പ് സെമിഫൈനൽ പോരാട്ടത്തിനിടെ അഫ്രീദിക്കെതിരെ തകർത്തടിച്ച് ഓസ്ട്രേലിയയ്ക്ക് വിജയം സമ്മാനിച്ച മാത്യു വെയ്ഡിന്റെ പേരു പറഞ്ഞായിരുന്നു അഫ്രീദിക്കെതിരായ പരിഹാസം.
ടി 20 ലോകകപ്പിൽ സെമിയിലെത്തിയ പാകിസ്താന്റെ പ്രകടനത്തിൽ നിർണായക സംഭാവനകൾ നൽകാൻ അഫ്രീദിക്ക് കഴിഞ്ഞിരുന്നു. മത്സരങ്ങളിൽ തകർപ്പൻ ബൗളിംഗ് പ്രകടനമായിരുന്നു താരം നടത്തിയത്. ഇന്ത്യക്കെതിരെ മൂന്ന് വിക്കറ്റും അഫ്രീദി നേടിയിരുന്നു . എന്നാൽ സെമി ഫൈനൽ മത്സരത്തിൽ തിളങ്ങാൻ അഫ്രീദിക്കായില്ല .പാകിസ്താനുവേണ്ടി 20 മത്സരങ്ങളിൽ നിന്ന് 86 വിക്കറ്റുകളാണ് ഈ യുവ താരം നേടിയത്.
Comments