ന്യൂഡൽഹി: സമൂഹമാദ്ധ്യമങ്ങളിലൂടെ വധഭീഷണി ഉണ്ടെന്ന് ചൂണ്ടിക്കാട്ടി പോലീസിൽ പരാതി നൽകി ബോളിവുഡ് താരം കങ്കണ റണാവത്ത്. സുവർണക്ഷേത്രത്തിന് മുമ്പിൽ നിൽക്കുന്ന ചിത്രം പങ്കിട്ടുകൊണ്ടാണ് താരം ഇക്കാര്യം വെളിപ്പെടുത്തിയത്. കർഷക നിയമങ്ങൾക്കെതിരെ പ്രതിഷേധിച്ചവരെ വിമർശിച്ചതിനാണ് താരത്തിന് വധ ഭീഷണി നേരിടുന്നതെന്നാണ് വെളിപ്പെടുത്തൽ.
ഹിമാചൽ പോലീസിനാണ് താരം പരാതി നൽകിയത്. എഫ്ഐആറിന്റെ കോപ്പിയും താരം സമൂഹമാദ്ധ്യമങ്ങളിലൂടെ പങ്കുവെച്ചു.പഞ്ചാബ് സർക്കാരും സംഭവത്തിൽ ഇടപെടണമെന്ന് താരം ആവശ്യപ്പെട്ടു.പരാതിയിൽ നടപെടിയെടുക്കാൻ പഞ്ചാബ് സർക്കാരിനോട് നിർദ്ദേശിക്കണമെന്ന് കങ്കണ കോൺഗ്രസ് ഇടക്കാല അദ്ധ്യക്ഷ സോണിയ ഗാന്ധിയോട് അഭ്യർത്ഥിച്ചു.
വിഘടന ശക്തികളിൽ നിന്നും തനിക്ക് ഭീഷണി ലഭിക്കുന്നുണ്ടെന്ന് കങ്കണ പറഞ്ഞു.തീവ്രവാദ ശക്തികൾക്കുമെതിരെയും രാജ്യത്തിനെതിരെ ഗൂഢാലോചന നടത്തുന്നവർക്കുമെതിരെയാണ് താൻ സംസാരിക്കുന്നതെന്ന് താരം വ്യക്തമാക്കി.തനിക്ക് എന്തെങ്കിലും സംഭവിച്ചാൽ അതിനു ഉത്തരവാദി വെറുപ്പിന്റെയും വിദ്വേഷത്തിന്റെയും രാഷ്ട്രീയം നടത്തുന്നവർ മാത്രമാണെന്നും നടി സമൂഹമാദ്ധ്യമത്തിൽ പങ്കുവെച്ച കുറിപ്പിൽ വ്യക്തമാക്കി.
Comments