ഇടുക്കി: മുല്ലപ്പെരിയാർ അണക്കെട്ടിലെ ജലനിരപ്പിൽ നേരിയ കുറവ്. നിലവിൽ 141.90 അടിയാണ് ഡാമിലെ ജലനിരപ്പ്. തുറന്ന ആറു ഷട്ടറുകളിൽ രണ്ടെണ്ണം അടച്ചതായി അധികൃതർ അറിയിച്ചു.
മുല്ലപ്പെരിയാറിലെ ജലനിരപ്പ് 142 അടിയായതോടെ കൃത്യമായ മുന്നറിയിപ്പുകൾ നൽകാതെ തമിഴ്‌നാട് ഇന്നലെ പുലർച്ചെ ഷട്ടറുകൾ തുറന്നിരുന്നു. ഇതിനെ തുടർന്ന് പെരിയാറിൽ ജലനിരപ്പ് നാലടിയിലേറെ ഉയർന്നു. വള്ളക്കടവും ചപ്പാത്തും കരകവിഞ്ഞൊഴുകി. നിരവധി വീടുകൾ വെള്ളത്തിനടിയിലായി.
അതേസമയം, ഇടുക്കി അണക്കെട്ടിലെ ജലനിരപ്പ് 2400.52 അടിയായി ഉയർന്നു. ഇവിടെ നിന്നും മൂലമറ്റം നിലയത്തിൽ വൈദ്യുതി ഉൽപ്പാദനത്തിനായി പരമാവധി വെള്ളം കൊണ്ടുപോകുന്നുണ്ടെന്നാണ് അധികൃതർ അറിയിച്ചത്. ജലനിരപ്പ് 2401 അടിയായാൽ ഇടുക്കിയിൽ ഓറഞ്ച് അലർട്ട് പ്രഖ്യാപിക്കും.
