രജൗറി: ഇന്ത്യൻ ക്രിക്കറ്റിലേക്ക് ജമ്മുകശ്മീരിൽ നിന്നും യുവതാരം. അണ്ടർ-19 ടീമിലേക്കാണ് പീർ പഞ്ചാൾ മേഖലയിൽ നിന്നും അമാൻ സാരി തെരഞ്ഞെടു ക്കപ്പെട്ടത്. ദുബായിൽ നടക്കാനിരിക്കുന്ന ചുതുർരാഷ്ട്ര ക്രിക്കറ്റിലാണ് അമാൻ അരങ്ങേറ്റം നടത്തുക.
’12-ാം വയസ്സിലാണ് ക്രിക്കറ്റ് പരിശീലനം ആരംഭിച്ചത്. ഇന്ത്യക്കായി കളിക്ക ണമെന്നും ആ ജേഴ്സി അണിയണമെന്നും ചെറുപ്പത്തിലേ സ്വപ്നം കണ്ടിരുന്നു. ഇന്ന് ആ സ്വപ്നം യാഥാർത്ഥ്യമായിരിക്കുന്നു.’ അമാൻ പറഞ്ഞു.
തന്റെ പ്രതിഭ പുറത്തുകൊണ്ടുവന്നതിൽ പരിശീലകനായ ബ്രൂസ് ആദംസിന് അമാൻ നന്ദി പറയുന്നു. ക്രിക്കറ്റ് അക്കാദമി ഓഫ് പഠാൻസിലാണ് ബ്രൂസിന് കീഴിൽ അമാൻ പരിശീലിച്ചത്. അവിടെ ലഭിച്ച പരിശീലനം ഏറെ ഗുണം ചെയ്തുവെന്നും അമാൻ പറഞ്ഞു. രജൗറിയിലെ ഡൽഹി പബ്ലിക് സ്കൂളിലും അലിഗഡ് മുസ്ലീം സർവ്വകലാശാലയിലുമായിരുന്നു അമാന്റെ വിദ്യാഭ്യാസം.
