ന്യൂഡൽഹി: ഡൽഹിയിൽ നിന്നും യുഎസിലേക്ക് പറന്നുയർന്ന വിമാനത്തിലിരുന്ന് യാത്രക്കാരൻ മരിച്ചതോടെ തിരിച്ച് പറന്ന് എയർ ഇന്ത്യ വിമാനം. മൂന്ന് മണിക്കൂർ യാത്ര പിന്നിട്ടതിന് ശേഷമായിരുന്നു വിമാനത്തിലിരുന്ന് യാത്രക്കാരൻ മരിച്ചത്. യുഎസിലെ നേവാർക്കിലേക്ക് പോകുകയായിരുന്നു ഡൽഹിയിൽ നിന്നും പറന്നുയർന്ന എയർ ഇന്ത്യ വിമാനം.
ഡൽഹിയിൽ എത്തിയ വിമാനത്തിലേക്ക് എയർപോർട്ടിലെ ഡോക്ടർമാരുടെ സംഘം പാഞ്ഞെത്തിയെങ്കിലും യാത്രക്കിടെ ഇയാൾ മരിച്ചിരുന്നതായി സ്ഥിരീകരിച്ചു. ഭാര്യയോടൊപ്പം നേവാർക്കിലേക്ക് പോകുകയായിരുന്ന യുഎസ് പൗരനാണ് മരിച്ചത്.
യാത്രക്കാരന്റെ മരണത്തെ തുടർന്ന് എഐ-105 എയർ ഇന്ത്യ വിമാനത്തിന്റെ യുഎസ് യാത്ര മുടങ്ങിയതിനെ തുടർന്ന് വൈകിട്ട് നാല് മണിക്കായിരുന്നു വീണ്ടും നേവാർക്കിലേക്ക് വിമാന സർവീസ് നടന്നത്.
