തിരുവനന്തപുരം: സായുധ സേന പതാക ദിനത്തിൽ സൈന്യത്തിന് ആശംസകൾ നേർന്ന് നടൻ മോഹൻലാൽ. എല്ലാ പ്രതികൂല സാഹചര്യങ്ങളിലും നമ്മുടെ ജീവൻ സംരക്ഷിക്കാൻ വേണ്ടി സ്വന്തം ജീവൻ അർപ്പിക്കുന്നവരാണ് ധീരയോദ്ധാക്കൾ. അവർക്ക് സായുധ സേനയുടെ പതാക ദിന ആശംസകൾ നേരുന്നുവെന്ന് മോഹൻലാൽ ഫേസ്ബുക്കിൽ കുറിച്ചു.
മോഹൻലാലിന്റെ വാക്കുകൾ ഇങ്ങനെ ‘രാജ്യത്തിന്റെ അഭിമാനം സംരക്ഷിക്കാൻ ജവാന്മാർ ധീരതയോടെ പോരാടുന്നു. എല്ലാ പ്രതികൂല സാഹചര്യങ്ങളിലും നമ്മുടെ ജീവൻ സംരക്ഷിക്കാൻ വേണ്ടും സ്വന്തം ജീവൻ അർപ്പിക്കുന്നവരാണ് ധീരയോദ്ധാക്കൾ. അവർക്ക് സായുധ സേനയുടെ പതാക ദിന ആശംസകൾ നേരുന്നു’
ഇന്ത്യക്ക് വേണ്ടി ജീവൻ ത്യജിച്ച ധീര രക്തസാക്ഷികളോടുള്ള ആദരവ് അർപ്പിക്കുന്നതിനായാണ് സായുധ സേന പതാക ദിനം അഥവാ ഇന്ത്യൻ പതാക ദിനം ആചരിക്കുന്നത്. 1949 മുതൽ എല്ലാ വർഷവും ഡിസംബർ ഏഴിനാണ് പതാക ദിനം ആചരിക്കുന്നത്. ഇന്ത്യൻ സേനയുടെ, വിമുക്ത ഭടൻമാർ, സൈനികരുടെ വിധവകൾ തുടങ്ങിയവരുടെ ക്ഷേമത്തിനായി ഇന്നേ ദിവസം ധനശേഖരണവും നടത്തുന്നു. ഇവരുടെ പുനരധിവാസത്തിനുള്ള ധന ശേഖരണം കര,വായു, നാവിക സേനയിൽ നിന്നാണ് ലഭിക്കുന്നത്.
