ഹൈദരാബാദ്: തിരുപ്പതി വെങ്കിടേശ്വരന് മൂന്ന് കോടി രൂപ വിലമതിയ്ക്കുന്ന രത്നം പതിച്ച സ്വർണ്ണ കൈയ്യുറകൾ വഴിപാടായി നൽകി വ്യാപാരി. 5.3 കിലോ തൂക്കം വരുന്ന സ്വർണ്ണ കൈയ്യുറകളാണ് സമ്മാനിച്ചത്. വെങ്കിടേശ്വര വിഗ്രഹത്തിൽ അണിയാവുന്ന വിധത്തിലാണ് ഇത് രൂപകൽപ്പന ചെയ്തിരിക്കുന്നത്.
തിരുപ്പതി സ്വദേശിയാണ് തന്റെ വഴിപാടിന്റെ ഭാഗമായി സ്വർണ്ണകൈയ്യുറകൾ നൽകിയത്. വെള്ളിയാഴ്ച്ച ക്ഷേത്രത്തിലെത്തി അദ്ദേഹം കാഴ്ച്ചദ്രവ്യമായി സമർപ്പിക്കുകയായിരുന്നു. കുടുംബവുമായി വന്നാണ് വഴിപാട് നടത്തിയത്. ഇദ്ദേഹത്തിന്റെ പേര് വിവരങ്ങൾ പുറത്തുവിട്ടിട്ടില്ല.
വരാദ ഹസ്തം എന്ന പേരിലുള്ള വഴിപാടാണ് കഴിപ്പിച്ചതെന്ന് ക്ഷേത്രത്തിലെ അഡീഷണൽ എക്സിക്യൂട്ടീവ് ഓഫീസർ അറിയിച്ചു. 5.3 കിലോ തൂക്കം വരുന്ന കൈയുറകൾക്ക് മൂന്ന് കോടി രൂപ മൂല്യം വരും. സ്വർണ്ണ കൈയ്യുറകൾ വിഗ്രഹത്തിൽ ചാർത്തുമെന്നും അധികൃതർ അറിയിച്ചു.
Comments