ന്യൂഡൽഹി: ദിനംപ്രതി നിരവധി വീഡിയോകളാണ് സമൂഹമാദ്ധ്യമങ്ങളിൽ വൈറലാകുന്നത്. അമ്പരപ്പിക്കുന്നതും കൗതുകമുള്ളതുമായ വീഡിയോകളെല്ലാം തന്നെ സോഷ്യൽ മീഡിയയിൽ വൈറലാകാറുണ്ട്. അത്തരത്തിലൊരു വീഡിയോയാണ് ഇപ്പോൾ ശ്രദ്ധനേടുന്നത്. പെരുമ്പാമ്പും തവളയുമാണ് വീഡിയോയിലുള്ളത്.
പെരുമ്പാമ്പിന്റെ പുറത്തുകൂടി തെന്നി നീങ്ങുന്ന തവളയെ വീഡിയോയിൽ കാണാനാകും. ഏകദേശം പത്തടി നീളമുള്ള ഒരു ഭീമൻ പെരുമ്പാമ്പിന്റെ മുകളിലൂടെയാണ് തവളയുടെ യാത്ര. സുഖമായി പുല്ലുകൾക്കിടയിലൂടെ ഇഴഞ്ഞു നീങ്ങുകയാണ് പാമ്പ്. പെരുമ്പാമ്പിന്റെ മുകളിൽ പതുങ്ങിയിരുന്ന് തെന്നി നീങ്ങുകയാണ് തവള.
പാമ്പിന്റെ തലയുടെ ഭാഗത്തേയ്ക്കാണ് തവള തെന്നി നീങ്ങുന്നത്. വീഡിയോ സമൂഹമാദ്ധ്യമങ്ങളിൽ പ്രചരിക്കുയാണ്. പാമ്പിന്റെ വായിൽ സ്വയം ചെന്നുപെടുകയാണ് തവളയെന്നാണ് വീഡിയോയ്ക്ക് ഒരുവിഭാഗം ആളുകൾ കമന്റ് ചെയ്യുന്നത്. ‘ഇരതേടി പോകേണ്ട ആവശ്യമില്ല… ഇരതന്നെ അടുത്തേയ്ക്ക് വരികയാണ്’ ‘തവള ജീവിപ്പിച്ചിരുപ്പോണ്ടാ..’ എന്നിങ്ങനെ നീളുന്നു കമന്റുകൾ.
Comments