തൃശ്ശൂർ:ജൻഡർ ന്യൂട്രൽ യൂണിഫോമിന്റെ പേരിൽ നടക്കുന്നത് ഭരണകൂട ഭീകരയെന്ന് ജമാഅത്തെ ഇസ്ലാമി സംസ്ഥാന കൂടിയാലോചന സമിതി അംഗം ടി മുഹമ്മദ് വേളം. ഇസ്ലാം: ആശയ സംവാദത്തിന്റെ സൗഹൃദ നാളുകൾ ക്യാമ്പയിനിന്റെ ഭാഗമായി ജമാഅത്തെ ഇസ്ലാമി തൃശ്ശൂർ ജില്ല സമിതി മാദ്ധ്യമ പ്രവർത്തകർക്കായി നടത്തിയ ഒന്നിച്ചിരിക്കാം അൽപ നേരം എന്ന സൗഹൃദ സംഗമത്തിലാണ് പരാമർശം.
പെൺകുട്ടികൾക്ക് നിലവിലുള്ള യൂണിഫോമിൽ എന്തെങ്കിലും അസൗകര്യമുണ്ടെങ്കിൽ അവർക്ക് അനുയോജ്യമായ യൂണിഫോം നടപ്പിലാക്കുകയാണ് വേണ്ടത്. വസ്ത്രമെന്നത് ആശയങ്ങളുമായും സംസ്കാരവുമായും ബന്ധപ്പെട്ടതാണ്.
പെൺകുട്ടികൾക്ക് അനുയോജ്യം ജെൻഡർ യൂണിഫോമാണെന്ന് സർക്കാർ തീരുമാനിക്കുന്നത് ഭരണകൂട ഭീകരതയാണ് സർവ്വകാര്യത്തിലും സർക്കാർ ഇടപെടുക എന്നത് ആശാവഹമല്ലെന്ന് അദ്ദേഹം പറഞ്ഞു. എന്ത് ധരിക്കണം എന്ത് കഴിക്കണം എന്നെല്ലാം പറയുന്നത് ഭരണകൂട ഭീകരതയെന്ന് അദ്ദേഹം ആരോപിച്ചു.
