കണ്ണൂര്: കണ്ണൂര് കൂത്തുപറമ്പ് വേങ്ങാട് മെറ്റയില് ബി.ജെ.പി സ്ഥാപിച്ച ധീര ജവാന്മാരുടെ ഫോട്ടോ സാമൂഹ്യവിരുദ്ധര് കീറി നശിപ്പിച്ചു. കൂനൂരില് ഹെലികോപ്റ്റര് അപകടത്തില് മരണപ്പെട്ട സംയുക്ത സൈനിക മേധാവി ജനറല് ബിപിന് റാവത്ത് അടക്കമുള്ള സൈനികര്ക്ക് ആദരാഞ്ജലി അര്പ്പിച്ചു സ്ഥാപിച്ച ബോര്ഡ് ആണ് തകര്ത്തത്.
ബോര്ഡിന്റെ പല ഭാഗങ്ങളും, ജവാന്മാരുടെ ചിത്രവും കീറിയ നിലയിലാണ്. ഇന്നലെ രാത്രിയായിരുന്നു സംഭവം. രണ്ട് പേരാണ് ബോര്ഡ് നശിപ്പിച്ചതിന് പിന്നിലെന്ന് സൂചന ലഭിച്ചിട്ടുണ്ട്. സംഭവത്തില് ബിജെപി കൂത്തുപറമ്പ് പോലീസില് പരാതി നല്കി.
Comments