നൂഡല്ഹി: രാജ്യത്തിന്റെ നിക്ഷേപാന്തരീക്ഷം ഉയര്ത്തുന്നത് ലക്ഷ്യമിട്ട് ബജറ്റിന് മുന്നോടിയായി ചേര്ന്ന വ്യവസായികളുടെ യോഗത്തിലാണ് മോദി രാജ്യത്തിന്റെ ലക്ഷ്യം പങ്കുവച്ചത.് രാജ്യത്തെ ഇരുപത് മുന്നിരകമ്പനി മേധാവികളുമായി അദ്ദേഹം കൂടിക്കാഴ്ച നടത്തി.അവരില് നിന്നു നിര്ദ്ദേശങ്ങള് കേട്ട പ്രധാനമന്ത്രി രാജ്യം ആഗ്രഹിക്കുന്ന ലക്ഷ്യം പങ്കുവച്ചു.ഒളിംപിക്സില് പോഡിയം ഫിനിഷ് ആഗ്രഹിക്കുന്നതുപോലെ എല്ലാമേഖലയിമുള്ള വ്യാവസായങ്ങളില് ലോകത്തെ മികച്ച അഞ്ച്
സ്ഥാനത്തിനുള്ളില് ഇടംതേടണമെന്നായിരുന്നു മോദിയുടെ ആവശ്യം.
ഫെബ്രുവരി ഒന്നിന് അവതരിപ്പിക്കുന്ന കേന്ദ്രബഡ്ജറ്റിന് മുന്നോടിയായിട്ടായിരുന്നു വ്യവസായ പ്രമുഖരുമായി കൂടിക്കാഴ്ച. ബാങ്കിങ്, അടിസ്ഥാനമേഖല, സ്റ്റീല്, ഓട്ടോമൊബൈല്, ടെലികോം, കണ്സ്യൂമര് ഗുഡ്സ്, ടെക്സൈറ്റല്സ്, സാങ്കേതിക മേഖല, ആരോഗ്യം, സ്പേസ്, ഇലക്ട്രോണിക്സ്, പുനരുല്പ്പാദനം തുടങ്ങിയ വിവിധ മേഖലയില് നിന്നുള്ള ഇരുപതോളം വാണിജ്യ-വ്യവസായ മേഖലയിലെ ഉന്നതരും സിഇഒമാരുമായാണ് അദ്ദേഹം കൂടിക്കാഴ്ച നടത്തിയത്.
ധനമന്ത്രിനിര്മലാസീതാരാമന്, വാണിജ്യ വ്യവസായ മന്ത്രി പീയൂഷ് ഗോയല് എന്നിവരും യോഗത്തില് സന്നിഹിതരായിരുന്നു.
രാജ്യത്തെ സാമ്പത്തിക പുരോഗതിക്ക് ഉത്തേജനമാകുന്ന കാര്യങ്ങളില് സര്ക്കാര് മുന്കൈയ്യെടുക്കും. വ്യവസായമേഖലയുടെ വളര്ച്ചയ്ക്ക് ആവശ്യമായ ഏതൊരു കാര്യത്തിനും സര്വ്വാത്മനാ പിന്തുണയ്ക്കുമെന്നും പ്രതിസന്ധി ഘട്ടത്തെ തരണം ചെയ്യുന്നതിന് സര്ക്കാര് പ്രതിഞ്ജാബദ്ധമെന്നും മോദി പറഞ്ഞു. ഇതിനായി ഒരുമിച്ചുളള പ്രവര്ത്തനമാണ് ആവശ്യം.കാര്ഷിക-ഭക്ഷ്യസംസ്കരണ മേഖലയില്കൂടുതലായി നിക്ഷേപമിറക്കാന് നിക്ഷേപകരോട് മോദി ആവശ്യപ്പെട്ടു.
സര്ക്കാര് പദ്ധതികളില് കൂടുതല് പരിഷ്കാരങ്ങള് കൊണ്ടുവരാനും സര്ക്കാര് സന്നദ്ധമാണ്.പിഎം ഗതിശക്തി പോലുള്ള പദ്ധതികളുടെ ഭാവി സാധ്യതകള്, അനാവശ്യ സങ്കീര്ണത കുറയ്ക്കാനുളള നടപടികള് എന്നിവ ഇതില് ഉള്പ്പെടും.
കൊറോണ വൈറസിന്റെ പുതിയ വകഭേദമായ ഒമിക്രോണ് രാജ്യത്തെ സാമ്പത്തിക മേഖലയ്ക്ക് ഭീഷണിയായേക്കാവുന്ന സാഹചര്യംകൂടി കണക്കിലെടുത്താണ് സാമ്പത്തിക മേഖലയ്ക്ക് ഉത്തേജനം പകര്ന്നുകൊണ്ട് പ്രധാനമന്ത്രിയുടെ വ്യവസായസംരംഭകരുമൊത്തുള്ള യോഗം.
സ്വകാര്യമേഖലയില് നിന്നുളള നിര്ദ്ദേശങ്ങള് സ്വീകരിക്കാന് ബജറ്റിന് മുന്നോടിയായി പ്രധാനമന്ത്രി നടത്തിയ കൂടിക്കാഴ്ചകളില് ഒന്നുമാത്രമാണ് ഇത്. മോദിയുമൊത്തുള്ള കൂടിക്കാഴ്ച ആത്മവിശ്വാസം പകര്ന്നതായി യോഗത്തില് പങ്കെടുത്തവര് പറഞ്ഞു. ഇന്ത്യന് വ്യവസായത്തെ ലോകോത്തരമാക്കാനുള്ളകുതിപ്പിന് മോദിയുമൊത്തുളള കൂടിക്കാഴ്ച ചുവടുവയ്പ്പാവും എന്നായിരുന്നു അവരുടെ പ്രതികരണം.
