ഫഹദ് ഫാസിലിനെ നായകനാക്കി സജിമോൻ പ്രഭാകർ സംവിധാനം ചെയ്യുന്ന പുതിയ ചിത്രം മലയൻകുഞ്ഞിന്റെ ട്രെയിലർ പുറത്ത്. നിരവധി പ്രത്യേകതകളോടെയാണ് ചിത്രം പുറത്തിറങ്ങുന്നത്. സംവിധായകൻ ഫാസിലാണ് ചിത്രം നിർമ്മിക്കുന്നത്. കൂടാതെ യോദ്ധയ്ക്ക് ശേഷം എആർ റഹ്മാൻ മലയാളത്തിൽ വീണ്ടും തിരിച്ചെത്തുന്നുവെന്ന പ്രത്യേകതയും ചിത്രത്തിനുണ്ട്. മഹേഷ് നാരായണനാണ് ചിത്രത്തിന്റെ രചന നിർവ്വഹിച്ചിരിക്കുന്നത്.
സർവൈവൽ ത്രില്ലറായിരിക്കും ചിത്രമെന്നാണ് ട്രെയിലർ നൽകുന്ന സൂചന. രജിഷ വിജയനാണ് നായിക. സി യു സൂൺ, മാലിക് എന്നിവയ്ക്ക് ശേഷം മഹേഷ് നാരായണനും ഫഹദും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. ജാഫർ ഇടുക്കി, ഇന്ദ്രൻസ്, ദീപക് പറമ്പോൽ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Comments