ന്യൂഡൽഹി : ലോകമെമ്പാടുമുള്ള ക്രൈസ്തവ വിശ്വാസികൾക്ക് ക്രിസ്തുമസ് ആശംസിച്ച് പ്രധാനമന്ത്രി നരേന്ദ്ര മോദി. എല്ലാവർക്കും ആരോഗ്യവും അഭിവൃദ്ധിയും ഉണ്ടാകട്ടെയെന്ന് അദ്ദേഹം പറഞ്ഞു. ട്വിറ്ററിലൂടെയായിരുന്നു പ്രധാനമന്ത്രി ആശംസകൾ നേർന്നത്.
എല്ലാവർക്കും ക്രിസ്തുമസ് ആശംസകൾ. കരുണ, സേവനം, വിനയം എന്നിവയ്ക്ക് പ്രാധാന്യം നൽകിയ ക്രിസ്തു ദേവന്റെ ജീവിതവും പാഠങ്ങളും ഈ ദിനം നമുക്ക് ഓർക്കാം. എല്ലാവർക്കും ആരോഗ്യവും സമൃദ്ധിയും ഉണ്ടാകട്ടെ. ലോകമെമ്പാടും സാഹോദര്യം പുലരട്ടെ- പ്രധാനമന്ത്രി ട്വിറ്ററിൽ കുറിച്ചു.
പ്രധാനമന്ത്രിയ്ക്ക് പുറമേ കേന്ദ്ര ആഭ്യന്തര മന്ത്രി അമിത് ഷായും ആശംസകൾ നേർന്നിട്ടുണ്ട്. എല്ലാവർക്കും പ്രത്യേകിച്ച് ക്രിസ്ത്യൻ സഹോദരി സഹോദരന്മാർക്ക് ക്രിസ്തുമസ് ദിനാശംസകൾ നേരുന്നു. ഈ ദിനം സമൂഹത്തിൽ സമാധാനവും, സമൃദ്ധിയും സാഹോദര്യവും കൊണ്ടുവരട്ടെയെന്ന് അമിത് ഷാ ട്വീറ്റ് ചെയ്തു.
