കാസർകോട്: എൻഡോസൾഫാൻ ദുരിത ബാധിതരായ കാസർകോട്ടെ രണ്ട് കുട്ടികൾ കൂടി മരിച്ചു. അമ്പലത്തറ മുക്കിഴിയിലെ മനുവിന്റെ അഞ്ച് വയസ്സുകാരിയായ മകൾ അമേയ, അജാനൂരിലെ മൊയ്തുവിന്റെ 11 വയസ്സുകാരനായ മകൻ മുഹമ്മദ് ഇസ്മയിൽ എന്നിവരാണ് മരിച്ചത്.
കാഞ്ഞങ്ങാട് ജില്ലാ ആശുപത്രിയിൽവെച്ചാണ് അമേയ മരിച്ചത്. കർണാടകയിലെ ആശുപത്രിയിൽവെച്ചാണ് മുഹമ്മദ് ഇസ്മയിലിന്റെ മരണം. ദുരിതബാധിതർക്ക് ആവശ്യമായ ചികിത്സ ലഭിക്കുന്നില്ലെന്ന പരാതി ഉയരുന്നതിനിടെയാണ് മരണം.
ആരോഗ്യമന്ത്രി അടക്കമുള്ളവർ തങ്ങളുടെ ആവശ്യങ്ങൾ പരിഗണിക്കുന്നില്ലെന്നും ആരോപണം ഉയരുന്നുണ്ട്. ഒന്നര വർഷമായി വിളിച്ച് ചേർക്കാത്ത റമഡിയൽ സെൽ യോഗം ചേരണമെന്നും സുപ്രീം കോടതി വിധി നടപ്പിലാക്കണമെന്നും ആവശ്യപ്പെട്ട് എൻഡോസൾഫാൻ പീഡിത ജനകീയ മുന്നണി കുറച്ചുകാലമായി സമരത്തിലാണ്.
Comments