കോഴിക്കോട്: വെസ്റ്റ് ബംഗാളിലെ വര്ധമാന് സ്വദേശിയായ റംസാന് അലിയില് നിന്നും സ്വര്ണ്ണം കവര്ന്ന കേസിലെ മൂന്ന് പ്രതികള് കൂടി പോലീസ് പിടിയില്. ചേളന്നൂര് ഇരുവള്ളൂര് തായാട്ടു കണ്ടിയില് പത്മേഷ് എന്ന ഉണ്ണി,പുനൂര് കൊല്ലരിക്കല് തേക്കിന് തോട്ടം നെല്ലിക്കല് മുഹമ്മദ് ഷാറൂഖ്, വെസ്റ്റ് ബംഗാള് ഹൊജവട്ട നിയാഖത്ത് എന്നിവരെയാണ് കസബ പോലീസും സിറ്റി ക്രൈം സ്ക്വാഡും ചേര്ന്ന് അറസ്റ്റ് ചെയ്തത്. റംസാന് അലി കഴിഞ്ഞ പതിനഞ്ച് വര്ഷത്തോളമായി കോഴിക്കോട് താമസിച്ച് സ്വര്ണ്ണ ആഭരണനിര്മാണ പ്രവൃത്തി ചെയ്തുവരികയായിരുന്നു.
സെപ്തംബര് 20 നു രാത്രിലിങ്ക് റോഡിലുള്ള തന്റെ കടയില് നിന്നും മാങ്കാവിലേക്ക് ഒരു കിലോ 200ഗ്രാം സ്വര്ണ്ണവുമായി പോയ റംസാനെ ബൈക്കിലെത്തിയ മോഷണസംഘം കണ്ടംകുളം ജൂബിലി ഹാളിനു സമീപം ആക്രമിച്ച് സ്വര്ണ്ണം കവര്ന്നു. ടൗണ് അസിസ്റ്റന്റ് കമ്മീഷണര് ബിജുരാജിന്റെ നേതൃത്വത്തില് പ്രത്യേക അന്വേഷണ സംഘം രൂപീകരിച്ച് കേസന്വേഷണം നടത്തി വരികയായിരുന്നു.
കക്കോടി മുട്ടോളി സ്വദേശി ലത്തീഷ്,പയ്യാനക്കല് തെക്കഞ്ചീരി വീട്ടില്കമ്പി വാവ എന്ന ജിനിത്ത്, കൊമ്മേരി മുക്കുണ്ണിത്താഴം വീട്ടില് ജമാല് ഫാരിഷ്, പന്നിയങ്കര കീലക്കാട്ട് നിലം പറമ്പില് ഷംസുദ്ദീന്, കാസര്ഗോഡ് കുന്താര് പോക്കറടുക്ക വീട്ടില് മുഹമ്മദ് നൗഷാദ്,ചാമുണ്ടിവളപ്പില് സ്വദേശി ജംഷീര്,കോട്ടൂളി പൈപ്പ് ലൈന് റോഡിലെ അമ്പല നിലത്ത് വീട്ടില് എന്.പി ഷിബി,മാളിക്കടവ് മുലാട ത്ത് ഷൈസിത്ത്, മൊകേരി വടയത്ത് മരം വീട്ടില് നിജീഷ് എന്നിവരുള്പ്പെടെ പന്ത്രണ്ട് പ്രതികളെ പ്രത്യേക അന്വേഷണ സംഘം അറസ്റ്റ് ചെയ്തു.
മോഷണക്കേസില് പിടിയിലായ നിയാഖത്തിന്റെ ബിസിനസ്സ് പങ്കാളിയായിരുന്നു റംസാന്. ഇവര് വേര്പിരിയുകയും സ്വന്തമായി ബിസിനസ്സ് നടത്തിവരികയുമായിരുന്നു, റംസാന്റെ ബിസിനസ്സ് വളര്ച്ച നിയാഖത്തിന്റെ ബിസിനസ്സില് ബാധിച്ചിരുന്നതിനാല് നിയാഖത്തും സുഹൃത്തും ചേര്ന്ന് റംസാന്റെ ബിസിനസ് തകര്ക്കാന് ഒരുക്കിയ പദ്ധതിയില് മറ്റു സുഹൃത്തുക്കളായ പത്മേഷിനെയും ഫാറൂഖിന്റെയും സഹായത്തോടെ ക്വട്ടേഷന് സംഘത്തിന് കൈമാറുകയും ഓപ്പറേഷന് നടത്തി പ്രതികള് രക്ഷപ്പെടുകയുമായിരുന്നു.
മോഷണപദ്ധതിയില് സംശയം തോന്നാതിരിക്കാന് നിയാഖത്ത് തന്റെ പക്കല് നിന്നും കുറച്ച് സ്വര്ണ്ണം റംസാന് നല്കുകയിരുന്നു. മൊബൈല് ഫോണ് ഉപയോഗിക്കാതെ ബാഗ്ലൂരില് നിന്നും കൊണ്ടുവന്ന ‘വാക്കി ടോക്കി’ ഉപയോഗിച്ചാണ് പ്രതികള് സന്ദേശം കൈമാറിയിരുന്നത്. റംസാന് സ്വര്ണ്ണവുമായി മാങ്കാവിലേക്ക് പോകുന്നത് ക്വട്ടേഷന് സംഘത്തിന് കാണിച്ചു കൊടുത്തത് പത്മേഷും ഫാറൂഖും ചേര്ന്നായിരുന്നു. ഒടുവില് പിടിയിലായത്.
Comments