മലപ്പുറം : കമ്യൂണിസത്തിനെതിരെ ജാഗ്രത പാലിക്കണമെന്ന പ്രമേയവുമായി സമസ്ത. മലപ്പുറം ജില്ലാ സുവർണ ജൂബിലി സമ്മേളനമാണ് പ്രമേയം അവതരിപ്പിച്ചത്. കമ്മ്യൂണിസമടക്കമുള്ള മതനിരാസ ചിന്തകളെയും , പ്രസ്ഥാനങ്ങളെയും മുസ്ലീം സമുദായം ജാഗ്രതയോടെ കരുതിയിരിക്കണമെന്ന് പ്രമേയത്തിൽ വ്യക്തമാക്കുന്നു.
സാധാരണക്കാരിലേക്ക് മതനിഷേധം കുടിയേറുന്ന പ്രവണത അപകടകരമാണ്. ഇതിനെതിരെ സമുദായം ശക്തമായി പ്രതികരിക്കണം. മതങ്ങളുടെ പേരിൽ അക്രമങ്ങൾ നടത്തുന്നവരെ അതാത് മതവിശ്വാസികൾ തിരിച്ചറിയണം. സമുദായത്തിനുള്ളിൽ ചിദ്രതയുണ്ടാക്കുന്നതിനെ കുറിച്ച് ജാഗ്രത പുലർത്തണമെന്നും പ്രമേയത്തിൽ പറയുന്നു.വിവാഹപ്രായം ഉയർത്തുന്ന തീരുമാനത്തിൽ നിന്ന് കേന്ദ്ര സർക്കാർ പിൻവാങ്ങണമെന്നും പ്രമേയത്തിൽ ചൂണ്ടിക്കാട്ടുന്നു.
അടുത്തിടെയായി മുസ്ലീം ലീഗിന്റെ ഭാഗമായ സമസ്ത പാർട്ടിയോട് അകലുകയും സിപിഎമ്മിനോട് അടുക്കുകയും ചെയ്യുന്നതായുള്ള ചർച്ചകൾ ശക്തമായി ഉയർന്നുവന്നിരുന്നു. ഇതിനിടെയാണ് കമ്യൂണിസത്തിനെതിരെ ജാഗ്രതപാലിക്കണമെന്ന് ആവശ്യപ്പെട്ട് നമസ്ത പ്രമേയം പുറത്തിറക്കിയിരിക്കുന്നത്.
