ഇരട്ടകൾ സർവ്വസാധാരണമാണ്.മിനിറ്റുകളുടെ വ്യത്യാസത്തിൽ ജനിക്കുന്ന സഹോദരങ്ങൾ എന്നും ഒരു കൗതുകമാണ്.കാലിഫോർണിയയിലെ ഫാത്തിമ മാഡ്രിൽ എന്ന യുവതിയും ഇരട്ടകുട്ടികൾക്ക് ജന്മം നൽകി.
എന്താണിതിനിത്ര പ്രത്യേകത എന്നല്ലേ? ഇരട്ട കുഞ്ഞുങ്ങൾ ജനിച്ച സമയമാണ് കൗതുകമാകുന്നത്.ഇരുവരും ജനിച്ച വർഷം രണ്ടാണെന്നാണിതിന്റെ പ്രത്യേകത.കേവലം 15 മിനിറ്റിന്റെ വ്യത്യാസത്തിലാണ് ഒരാൾ 2021 ലും ഒരാൾ 2022 ലും ജനിച്ചത്. ഇത്തരത്തിൽ ഇരട്ടകൾക്ക് വ്യത്യസ്ത ദിവസത്തിലും മാസത്തിലും വർഷത്തിലും ജന്മദിനം സംഭവിക്കുന്നത് 20 ലക്ഷത്തിൽ ഒരാൾക്ക് മാത്രം സംഭവിക്കുന്ന പ്രത്യേകതയാണിത്.
ഒരു ആൺകുട്ടിക്കും പെൺകുട്ടിക്കുമാണ് ഫാത്തിമ ജന്മം നൽകിയത്. ആൽഫ്രെഡോ എന്നആൺകുഞ്ഞിന് 11:45 നാണ് ജന്മം നൽകി. പെൺകുഞ്ഞായ അയ്ലിന് 15 മിനിറ്റ് കഴിഞ്ഞ് 2022 ജനുവരി 1 ന് 12 മണിക്കാണ് ജന്മം നൽകിയത്. ഇതോടെ ഈ ഇരട്ടകളുടെ ജനനം കൗതുകമായിരിക്കുകയാണ്.
2019 ഡിസംബറിലും സമാനമായ സംഭവം അരങ്ങേറിയിരുന്നു.അന്ന് ഡോൺ ഗില്യം എന്ന യുവതി ഡിസംബർ 31 രാത്രി 11:37 ന് തന്റെ ആദ്യത്തെ കുഞ്ഞിന് ജന്മം നൽകി.രണ്ടാമത്തെ കുഞ്ഞ് 2020 ജനുവരി ഒന്നിന് പുലർച്ചെ 12: 07 നാണ് ജനിച്ചത്.
Comments