ശ്രീനഗർ : കൊറോണ സുരക്ഷാ മാർഗ്ഗ നിർദ്ദേശങ്ങൾ ലംഘിച്ച് പാർട്ടി സ്ഥാപക നേതാവ് മുഫ്തി മുഹമ്മദ് സയീദിന്റെ ചരമവാർഷിക ദിനാചരണ പരിപാടികൾ സംഘടിപ്പിച്ച പിഡിപി പ്രവർത്തകർക്കെതിരെ കേസ്. പരിപാടിയ്ക്ക് നേതൃത്വം വഹിച്ച 10 പ്രവർത്തകർക്കെതിരെയാണ് കേസ് എടുത്തത്. ജനുവരി ഏഴിനായിരുന്നു മുഫ്തി മുഹമ്മദ് സയീദിന്റെ ചരമ വാർഷികം.
പരിപാടിയുടെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചതോടെ നിരവധി പേർ പിഡിപിയ്ക്കെതിരെ വിമർശനവുമായി രംഗത്ത് വന്നിരുന്നു. ഇതേ തുടർന്ന് അനന്തനാഗ് എക്സിക്യൂട്ടീവ് മജിസ്ട്രേറ്റ് പാർട്ടി പ്രവർത്തകർക്കെതിരെ കേസ് എടുക്കാൻ നിർദ്ദേശിച്ചു. ഇത് പ്രകാരമാണ് പോലീസ് സ്വമേധയാ കേസ് എടുത്തത്.
അതേസമയം സംഭവത്തിന് പിന്നാലെ ഭരണകൂടത്തെ വിമർശിച്ച് മെഹബൂബ മുഫ്തി രംഗത്ത് എത്തി. തന്റെ പാർട്ടിയ്ക്ക് മാത്രമാണ് കൊറോണ സുരക്ഷാ മാനദണ്ഡങ്ങളുള്ളതെന്നും മറ്റുള്ളവർക്ക് ഇത് ബാധകമല്ലെന്നുമായിരുന്നു മെഹബൂബയുടെ വിമർശനം.
Comments