മഞ്ജു വാര്യർ പകർത്തിയ പോർട്രെയ്റ്റ് ചിത്രം പങ്കുവച്ച് ഭാവന. മഞ്ഞ നിറത്തിലുള്ള പ്രകാശമാണ് ചിത്രത്തിന് പശ്ചാത്തലമായി വന്നിരിക്കുന്നത്. ഇത് ഭാവനയുടെ മുഖത്തും പ്രതിഫലിക്കുന്നുണ്ട്. തൊട്ടടുത്തുള്ള ആരോ സംസാരിക്കുന്നത് ശ്രദ്ധയോടെ കേൾക്കുന്ന ഭാവനയെ ആണ് ചിത്രത്തിൽ കാണാനാകുന്നത്. കയ്യിൽ ഒരു ഫോർക്കും പിടിച്ചിട്ടുണ്ട്.
ചിത്രത്തിന് അടിക്കുറിപ്പായി ഭാവന നൽകിയ വരികളും ശ്രദ്ധേയമാണ്. ‘ നമ്മളെല്ലാവരും അൽപ്പം തകർന്നവരാണ്. അങ്ങനെയാണല്ലോ വെളിച്ചം അവിടേക്ക് കടന്ന് വരുന്നത്’. ചിത്രം പകർത്തിയത് മഞ്ജു വാര്യർ ആണെന്നും ഭാവന കുറിച്ചിട്ടുണ്ട്. ചിത്രം പോസ്റ്റ് ചെയ്ത് നിമിഷ നേരങ്ങൾക്കുള്ളിൽ തന്നെ ഇത് സമൂഹമാദ്ധ്യമങ്ങളിൽ വൈറലായിരിക്കുകയാണ്.
