മുംബൈ : തീവ്ര ഇസ്ലാമിസ്റ്റുകളുടെ സൈബർ ആക്രമണത്തെ വക വയ്ക്കാതെ വീണ്ടും മധ്യപ്രദേശിലെ ഉജ്ജയിനി മഹാകാലേശ്വർ ജ്യോതിർലിംഗ ക്ഷേത്രത്തിൽ ദർശനം നടത്തി ബോളിവുഡ് നടി സറാ അലിഖാൻ . അമ്മ, നടി അമൃത സിംഗിനൊപ്പമാണ് താരം ക്ഷേത്രത്തിലെത്തിയത് .
മഹാകാലേശ്വർ ജ്യോതിർലിംഗ ക്ഷേത്രത്തിലെ ചിത്രങ്ങളും സറാ അലിഖാൻ പങ്ക് വച്ചിട്ടുണ്ട് . തന്റെ ചിത്രം ‘അത്രംഗി രേ’ യുടെ റിലീസിന് മുൻപായി അനുഗ്രഹം തേടിയാണ് കഴിഞ്ഞ മാസം സറാ അലിഖാൻ ക്ഷേത്രത്തിലെത്തിയത് . തനിച്ചാണ് താരം ദർശനത്തിനെത്തിയത് . ഇതിന്റെ ചിത്രങ്ങൾ പങ്ക് വച്ചതിനു പിന്നാലെയായിരുന്നു ഭീഷണി.
വിഗ്രഹാരാധന എന്ന ‘പാപം’ ആണ് നടി ചെയ്തതെന്നായിരുന്നു വിമർശനം . . “നിങ്ങൾ എന്തിനാണ് ഇത് ചെയ്യുന്നത്. മുസ്ലിം ആയിരുന്നിട്ടും നിങ്ങൾ വിഗ്രഹാരാധന ചെയ്യുന്നു”.താങ്കൾ ഒരു മുസ്ലിമാണോ? നിങ്ങൾ എന്തിനാണ് ക്ഷേത്രങ്ങളിൽ പോകുന്നത്?” എന്നിങ്ങനെയായിരുന്നു ചോദ്യങ്ങൾ.
മാത്രമല്ല നിങ്ങൾക്ക് നാണമില്ലേ ക്ഷേത്രത്തിൽ പോകാനെന്നും , സെയ്ഫ് അലി ഖാൻ എന്ന മുസ്ലീം പിതാവിന് ജനിച്ച നിങ്ങൾ , മുസ്ലീങ്ങൾക്ക് കളങ്കമാണെന്നും, മറ്റൊരാൾ കമന്റ് ചെയ്തു . ചിലർ താരത്തിനോട് മുസ്ലീം പേര് മാറ്റാൻ പോലും ആവശ്യപ്പെട്ടു. എന്നാൽ ഈ കമന്റുകൾ കൊണ്ടൊന്നും തന്നെ തളർത്താനാകില്ലെന്നത് വീണ്ടും തെളിയിച്ചിരിക്കുകയാണ് സറാ അലിഖാൻ.
