ലക്നൗ: അപർണാ യാദവ് ബിജെപിയിൽ ചേർന്നത്തിന്റെ ഞെട്ടൽ മാറും മുമ്പേ എസ്പിക്ക് കനത്ത തിരിച്ചടി നൽകി മുലായം സിംഗ് യാദവിന്റെ മറ്റൊരു കുടുംബാംഗം കൂടി ബിജെപിയിലേക്ക്. യുപി തിരഞ്ഞെടുപ്പിന് മുന്നോടിയായി മുലായത്തിന്റെ മരുമകൾ അപർണ യാദവിന് പിന്നാലെ മറ്റൊരു യാദവ കുടുംബാംഗം ബിജെപിയിൽ ചേരുമെന്നാണ് റിപ്പോർട്ട്. എസ്പി അധ്യക്ഷൻ മുലായം സിംഗ് യാദവിന്റെ ഭാര്യാ സഹോദരനും വിധുന നിയമസഭയിൽ നിന്നുള്ള മുൻ എസ്പി എംഎൽഎയുമായ പ്രമോദ് കുമാർ ഗുപ്ത വ്യാഴാഴ്ച ബിജെപിയിൽ ചേരുമെന്ന് വൃത്തങ്ങൾ അറിയിച്ചു.
യുപി ബിജെപി അധ്യക്ഷൻ സ്വതന്ത്ര ദേവ് സിംഗ്, ഉപമുഖ്യമന്ത്രി കേശവ് പ്രസാദ് മൗര്യ എന്നിവരുടെ സാന്നിധ്യത്തിൽ മുലായം സിംഗ് യാദവിന്റെ മരുമകൾ അപർണ യാദവ് ബുധനാഴ്ച ബിജെപിയിൽ ചേർന്നിരുന്നു. പ്രധാനമന്ത്രി മോദിയുടെ ദർശനത്തിൽ നിന്ന് പ്രചോദനം ഉൾക്കൊണ്ടെന്ന് ബിജെപിയിൽ ചേരുന്നതെന്ന് അപർണ യാദവ് വ്യക്തമാക്കി. ‘ഞാൻ ബിജെപിയോട് വളരെ നന്ദിയുള്ളവനാണ്. ബിജെപിയുടെ പദ്ധതികളും ദേശീയ ആശയങ്ങളും എന്നെ എപ്പോഴും സ്വാധീനിച്ചിട്ടുണ്ട്. ഇന്ത്യയുടെ ക്ഷേമത്തിനായി പ്രവർത്തിക്കാൻ ശ്രമിക്കും അപർണ പറഞ്ഞു.
പ്രധാനമന്ത്രി മോദിയുടെ നേതൃത്വവും വികസന പ്രവർത്തനങ്ങളും അഭൂതപൂർവമാണ്. ഉത്തർപ്രദേശിൽ ബിജെപിയുടെ വിജയത്തിനും രാമരാജ്യത്തിനും പ്രതിജ്ഞാബദ്ധമാണെന്നും മുലായത്തിന്റെ മരുമകൾ വ്യക്തമാക്കി. അഖിലേഷ് യാദവ് മുഖ്യമന്തിയെന്ന നിലയിലും കുടുംബസസ്ഥൻ എന്ന നിലയിലും പരാജയപ്പെട്ട വ്യക്തിയാണ്. ബിജെപിയുടെ വികസന പ്രവർത്തനങ്ങളിൽ നിന്നും നമ്മുടെ പ്രധാനമന്ത്രിയുടെ കാഴ്ചപ്പാടിൽ നിന്നും ഞാൻ പ്രചോദിതയാണ്. ദേശീയതയ്ക്കും സ്ത്രീ ശാക്തീകരണത്തിനുമായി താൻ പ്രവർത്തിക്കമെന്നും അപർണ യാദവ് കൂട്ടിച്ചേർത്തു.
Comments